Logo Sigantion
ORF
ORF
Televisakero magacin le Romenge taj Sintijenge

Servus, Szia, Zdravo, Del tuha | ORF 2 Burgenland | 5to decemberi

O kulturakero farajn le austritike Romendar le gondolipeskere mulatintschagoha ande Lackenbach pro 30-berschengero keripe mulatinel, i dschilaschkija & dschilakeri pisimaschkija Melinda Stoika ando sikavipe, telutscharipe le gondolipeskere baristar ande Pamhagen taj 30 berscha Romano Cento o tematscha la sendungatar hi.

On demand

ORF TVthek | Servus Szia Zdravo Del tuha | 5to decemberi 2021

Mahnmal Lackenbach
Emmerich Gärtner-Horvath

30 berscha gondolipe | Kulturakero farajn le austitike Romendar

Jek gondolipeskero bar andar karikane bara sajt 1984 i briga le nacijonalsocijalismusistar ando afka akardo „Zigeuner-logeri“ Lackenbach sikal.

Servus, Szia, Zdravo, Del tuha
5to decemberi 2021, 13:05 orenge
ORF 2 Burgenland | Live ORF TVthek

Ada imar jek barikano falato la austritika gondolipeskera kulturatar hi. Te o kulturakero farajn le austritike Romendar sajt pro keripe angle 30 berscha usi organisacija le sake berscheskere gondolipeskere mulatintschagostar use hi.

Feri Janoschka, Melinda Stojka, Bruji i drugi muzičari
ORF

Sikavipe | Dschilaschkija & dschilakeri pisimaschkija Melinda Stoika

Imar ofto berschenca mindig ando operetengero teateri ande Budapest te dikel li sina. Ande lakero aguno ternipe oj, savi ando Ungriko upro them ali, lakera dajaha taj lakere dadeha Betschiste ali. Odotar aun, lakeri karijera igen sik le domboske upre geli. O vakeripe hi la Djanejatar, dschilaschkijatar taj dschilakera pisimaschkijatar Melinda Stoika. Usi „Tour le mindenfelitikostar“ – jek muschikakero sikavipe ande schtar tschibtscha – barikane burgenlanditike kinstlerenca te dikel taj ande Romani te schunel li sina.

Gedenkstein Pamhagen
ORF

Telutscharipe le gondolipeskere baristar ande Pamhagen

Ando oktoberi i gemajnde Pamhagen taj i inicijativa „Erinnern Frauenkirchen“ usi gondolipeskeri mischa taj uso telutscharipe jeke gondolipeskere baristar, le ofperenge le nacijonalsocijalismusistar, akarde. Telal o opfertscha but Roma taj Romnja andar Pamhagen sina.

Ilija Jovanovic
ORF

30 berscha Romano Centro Betschiste

Angle 30 berscha o Romano Centro ojs jek le erschti Romengere farajnendar Betschiste kerdo ulo. Ando Romano Centro, Roma andar mindenfelitike grupn fatretim hi taj khetan le feder keripeske le dschivipeskere situacijendar le Romendar taj gejng i diskriminacija ande pumen bescharen. Amen la butschaschkijaha Danijela Cicvarić pedar o butja vakertscham, save le farajniske del.