Mahnmal Lackenbach
Emmerich Gärtner-Horvath
Emmerich Gärtner-Horvath
GONDOLIPE

Gondolipeskero mulatintschago ande Lackenbach Burgenland

Ande Lackenbach suboton le Romenge taj Sintijenge anglo gondolipeskero than gondolim ulo. Odotar esertscha Roma taj Sinti ando mindenfelitike logertscha ledschim taj murdarde ule. Ando bischutrito novemberi deschuenja schtarvardeschto bersch ande jek aguni gadschengeri vora o „Zigeunerlager“ Lackenbach kerdo ulo.

Mahnmal Lackenbach
Emmerich Gärtner-Horvath

O andetschapime Roma taj Sinti ande schtali dschivnahi taj mujsinipeskeri buti iste kernahi. Le schtar eseri ande tschapime Romendar taj Sintijendar ando logeri Lackenbach ando terno dschend deschuenja taj schtarvar desch taj jekto bersch, duj eseri ando gheto Lodz ledschim taj murdarde ule. Valami trin vaj schtar schel dschene o logeri ande Lackenbach prik dschivde.

Ministerin Alma Zadic
Emmerich Gärtner-Horvath
Justicakeri ministerkija Alma Zadić

Buteder sar 100 kherodaschtscha andar i politik, khangeri, Roma taj opferiskere organisaciji le Romenge taj Sintijenge gondolinde.

Heinrich Dorner
Emmerich Gärtner-Horvath
Thaneskero rot Heinrich Dorner

Imar tradicija hi, kaj ischkolaschtscha taj ischkolaschkij andar o gimnasijum Uprutni Puja uso gondolipeskero mulatintschago anglo gondolipeskero than le Romenge taj Sintijenge ande Lackenbach, savi sako bersch ando novemberi telikerdi ol, use hi. Te ada bersch o ischkolaschtscha taj ischkolaschkiji jek barikano vodschikano vakeripe likerde.

Umrahmt wurde die Gedenkveranstaltung von Schülerinnen und Schülern des Gymnasiums Oberpullendorf
Emmerich Gärtner-Horvath
Ischkolaschtscha taj ischkolaschkij andar o gimnasijum Uprutni Puja.
Gedenkfeier Lackenbach 2021
Emmerich Gärtner-Horvath

Le kherodaschenge akan anglo gondolipeskero than jek dujtschibtschengeri tablina Romanes taj nimtschke QR-Codiha kerdo ulo, kaj pedar i historija andar o logeri Lackenbach informacija te uschtiden.

Enthüllung Informationstafel Lackenbach 2021
DANIEL FENZ
Telutscharipe la dujtschibtschengera tablinatar.