O talalinipe ada bersch ando cajchn le EU-jakere-projektistar „Dream Road“, kaj i Roma VHS Burgenland andi Austrija projektiskero partneri hi, terdscholahi. O projekto o dschivipeskere rejalitetscha le Romendar taj Romnijendar ando Donaujakere thana feder te kerel taj lengero use kerinipe andi politik taj ando khetanipe te soraljarel kamla. Kaj o cile avre flogoskere grupn fatreterenca ande thaneskere talaliniptscha, ando parlamento, ando bundakero talalinipe vaj ando EU-parlamento taj te ande politischi partaji representirim hi, o aktivi use kerinipe Romnijendar taj Romendar use politischi ar keripeskere procestscha dschi upre poar tschule funkcijonartscha upro gemajndakero than na del, phenel o anglebeschaschi andar i Roma VHS Burgenland, Andreas Lehner.
O impuls le talalinipeske, historiji trin dschenendar andar i flogoskeri grupn dine: I Katharina Graf-Janoska (ORF-reporterkija taj pisimaschkija) i Marion Dworzack (dujto schero ando farajn „Voice of Diversity“) taj i Irina Spataru (parlamentarischi asistentkija ando EU-parlamento). Ande lengere phukajiptscha vakerde o protagonistkiji pedar pumaro karijerakero drom, pedar o butja, save on iste schofinde taj pedar o droma uso ajgeni empowerment. I Marion Dworzack phukatscha, kada oj ojs bari dschuvli schuntscha, hot oj jek Romni hi, kada pre dad te prindscharel siklini taj sar oj andar ada ari, jek kivanipe palo glajchi tschatschipe formintscha.
Radijo „Roma sam“ | 4to oktoberi 2021 | 20:50 orenge
Duach i sendung vodinel Susanne Horvath | Live Radio Burgenland
Palo phukajiptscha le trin aktivistkijendar, o politikertscha uso alav ale: I presidentkija le burgenlanditike thaneskere talalinipestar Verena Dunst (SPÖ), o Nikolaus Berlakovich (ÖVP), o Harald Troch (SPÖ), i Olga Voglauer (Selene), i Elisabeth Trummer (SPÖ), o Wolfgang Spitzmüller (Selene) taj o Eduard Posch (NEOS). Khetan diskutirim ulo pedar o schajiptscha, o use kerinipe Romendar taj Romnijendar ande mindenfelitike khetanipeskere politischi procestscha te soraljarel. I thaneskeri talalinipeskeri presidentkija Verena Dunst trin punktscha andar o mulatintschago peha lija: Sikadipe ojs klutscho uso empowerment, o dikipeskero keripe, kaj te problemtscha upre sikade te on taj i palgondolipeskeri kultura, kaj i bibastali historija le Romendar taj Romnijendar pobisterdi te na ol.
O nacijonakero rot taj flogoskero grupnakero vakeraschi la ÖVP-atar, Nikolaus Berlakovich phentscha, hot duach o vakeriptscha uso talalinipe papal sikado ulo, hot tschak jek flogoskeri grupnakero politik na del, mint saki jekoschni flogoskeri grupn, peske jekoschni hi. Ov le flogoskere grupnakere fatreterenge taj -fatreterkijenge phenel, hot on o imar latscho and tschalado drom, savo imar gele, bajder te dschan.
I Olga Voglauer, nacijonakeri rotkija le Selenendar, o feleri ande oda koja dikel, hot i politik mindig andar o dikipe le cile khetanipestar handlinel. O dikiptscha taj o mangiptscha le Romendar taj Romnijendar taj te avre tschulipendar butvar adaj na on dikle. I buti jeke politikeristar hi, i historija te prindscharel taj jomi pal te mukel, pal save cukunftakere generaciji schaj palal phiren. Jek avro mangipe hi meg, hot o anticiganismus ando parlamento i glajchi prijoriteta te uschtidel, sar o antisemitismus, afka i Voglauer.
Palo talalinipe o mulatintschago le Romendar sina, savo le farajnistar HANGO ROMA kerdo ulo. I muschika use ada mulatintschago kertscha i Leon Berger Band, i banda Romano Rath taj i Bela Horvath banda.