Romani Lehrmaterial
Roma-Service
Roma-Service
ROMA SAM | TSCHIB & SIKADIPE

Burgenland-Roman ande sikadipeskere khera

Imar sajt but berscha ando Burgenland vaschoda kejmpfim ol, o Roman upre te likerel. Ande ischkoli Roman-kurstscha butvar ojs nahpandle ori kerde on. Ham saj barikane hi odola koji? Vaschoda la Karin Vukman-Artneraha, schero le tschulipengere ischkolakere birovtschagostar taj la Sabine Weiszaha, rektorkija la pedagogischi uschi ischkolatar Tikni Martona, vakertscham.

Duach o tschulipengero ischkolakero tschatschipe ando Burgenland dim te ol, hot jek tschatschipeskero koja del, kaj tschibtschakere kurstscha ando flogoskere grupnakere tschibtscha tel likerde schaj on. I sikadipeskeri direktiojona vaschoda ischkolaschen taj ischkolaschkijen motivirinel, adaj use, te igen vuske le farajniha Roma-Service khetan butschalim ol. Jek scheroskero problemo hi, hot na baro interesi del, Roman te siklol, phenel i Karin Vukman-Artner, schero le tschulipengere ischkolakere birovtschagostar la sikadipeskera direkcijonatar Tikni Martona ando vakeripe. Ada bersch tschak jek tikni grupn pantsch flogoskere grupnakere ischkolaschtsscha Erbate del, save usi naphandli ora Romanes use hi, afka i Vukman-Artner.

Karin Vukman-Artner
ORF
Karin Vukman-Artner | Schero le tschulipengere ischkolakere birovtschagostar

„O interesi nan asaj baro sar gondolim ulo…“

Imar sajt poar berscha upre butschalim ol, kaj le Roman-tschibtschakere siklipeske pomoschim te ol. Hi ada duach o keripe siklipeskere materijalendar andi khetani buti la universitetaha Gereci, le farajniha Roma-Service, la pedagogischi utschi ischkolaha vaj le sikadipeskere ministerijumiha vaj duach mindenfelitike projekti ando ischkoli. Khetan le Emmerich Gärtner-Horvathiha te mindenfelitike workshops, afka sar interaktivi thajipeskere kurstscha ar butschalim taj kerde on, kaj buteder manuscha le Burgenland-Romaniha ando kontakto te peren. O interesi ham nan asaj baro, sar gondolim ulo, phenel i Karin Vukman-Artner.

Karin Vukman-Artner
ORF
Karin Vukman-Artner | Sikadipeskeri direkcijona Tikni Martona

Radijo „Roma sam“ | 27to septemberi 2021 | 20:50 orenge

Duach i sendung vodinel Susanne Horvath | Live Radio Burgenland

Jek avro aktujeli projekto hi i tschibtschakeri verkschtot. Adaj vasch jek khetan butschalinipe la sikadipeskera direkcijonaha Burgenland taj la pedagogischi utschi ischkolaha Tikni Martona dschal, sar i rektorkija Sabine Weisz, phenel. Ande aja tschibtschakeri verkschtot mindig neve sikavipeskere materijaltscha kerde on, te ando Burgenland-Roman. Ada projekto jek than le butjenge le butjakere khetanipendar, le talalinipeske, jek fochiskeri biblijoteka taj jek seminariskero than le bajder sikadipeske te del. Adaj na dschal tschak vascho upre likeripe la tschibtschatar, adaj te vascho patijaripe taj vasch jek simbolik dschal, ojs cajchn le aunprindscharipestar, afka i Sabine Weisz ando vakeripe.

Sabine Weisz
ORF
Sabine Weisz | Rektorkija la pedagogischi uschi ischkolatar Tikni Martona

„Jek auntradipe iste del, o Burgenland-Roman te siklol“

I pedagogischi utschi ischkola ando primar schtufnakero schtudijum o pharipeskero punkto „but tschibtschakero taj interkultureli siklipe“ del. Ande ada pharipekero punkto o schajipe del, pe horeder ande jek, le flogoskere grupnakere tschibtschendar, ande te butschalinel. I pedagogischi utschi ischkola igen lokie jek dipe ando Burgenland-Roman upre schaj terdscharlahi – ada dipe ham dschijakana esbe lim na ulo. Le schtudentenge iste jek perspektiva palo schtudijum delahi, kaj on o Burgenland-Roman and schaj bescharen, ada tschatschikan jek auntradipe ovlahi, i tschib te siklol, dschanel i Sabine Weisz.

Te dikel hi, hot i tschib na aun tradim vaj igen butvar völim ol. Tschatschikan jek sikadipeskero tschatschipe la pedagogischi utschi ischkolatar ovlahi, Roman te kerel taj sikajipe angle te tradel, ham o kivanipe, Roman te siklol, meg la utschi ischkolake na use ledschim ulo. Jek kivanipe la rektorkijatar ovlahi, hot schtudentscha andar i flogoskeri grupn le Romendar upri pedagogischi utschi ischkola schtudirinahi, taj afka o upre likeripe le Burgenland-Romanistar, dschivdon likernahi.