Papst Franziskus
MTI/EPA/ANSA/Giuseppe Lami
MTI/EPA/ANSA/Giuseppe Lami
SLOVAKIJA

Kedveschno dad i Romengeri-sidlung Luník IX ande Košice kher rodel

O kedveschno dad Franziskus ando triti di leskera Slovakija-roasatar, kedenake paloplane jek Romengeri-sidlung ando foro Košice kher rodija.

Andi lakere igen bibastale dschivipeskere situacijendar prindschardi seletoskeri bauninipeskeri sidlung Luník IX maschkar 5.000 taj 6.000 manuscha la Romengera-flogoskera grupnatar dschin.

O termin tipischi la Franziskusakera agendake hi – jek talalinipe manuschenca, save avrak i khetanipeskeri rik dschin. Kaj o schero la katolischi khangerijatar akan aja Romengeri-sidlung kher rodija, te but politikertschen le thanestar daratscha. Ada te jek cajchn la slovakitika birovtschagoskera khangerijake hi, phentscha o aguno parlamentoskero presidento taj simbolakeri figura la katolischi Slovakijatar, František Mikloško.

Roma-Siedlung  Luník IX
APA/AFP/VLADIMIR SIMICEK
„Schukar akaripe, kedveschno dad!“ terschol upre ada falao andi lek bareder Romengeri-sidlung Luník IX, savi o Franziskus kedenake kher te rodel kamla.

Anglo ladipe ande Luník IX, kamla o Franziskus ande Prešov use jek mischa use te ol. Oja palo bicantinischi ritus tel likerdi te ol, upre savo pumen but katolischi ostitike khangertscha likeren. O Franziskus pre mischi mindig ando römischi ritus mulatintel. Kiratiske meg jek talalinipe ternenca ando lobdakero khelipeskero schtadijon le farajnistar FC VSS Košice del. Terne manuschen o 84 berschengero phuro argentinijakero mindig ande pre moliniptscha ande phandel.