Ausstellung Roma
ORF
ORF
Artschijipe

Artschijipe andi KUGA prado ulo

Suboton andi KUGA Großwarasdorf jek roasinipeskero artschijipe prado ulo, kaj pumen o burgenlanditike flogoskere grupn presentirinde. O mulatintschago terdschol ando khetan phandlipe le programiskere redoha uso jubilejumiskero bersch „100 berscha Burgenland“.

O roasinipeskero artschijipe „100 berscha Burgenland taj leskere flogoskere grupn“, savi ando khetan butschalinipe le trin flogoskere grupnendar kerdo ulo, sikal ande 30 rollups i kultura, i tschib, historija taj i identiteta le flogoskere grupnendar.

Volksgruppenvertreter und Politik
Roma-Service
Burgenlanditike politikertscha taj o fatretertscha le flogoskere grupnendar.

O barikanipe le artschijipestar hi, kaj o cile flogoskere grupn le Burgenlandistar khetan butschalinde taj pumen khetn presentirinde. Kekaj sako pro ajgeni barikanipeskero keripe presetirintscha, hi on jek falato le thanestar. Ada kultureli mindenfelitiko hi jek barvalipe le thanestar taj on hofinen, kaj o kherodaschtscha le artschijipeske jek ande dikipe ando mindenfelitiko le flogoskere grupnendar te uschtiden, savo le Burgenlandiske pro soralipe del.

Ada artschijipe le pradipeske pedar o etnischi grupn informacija te del. Duj kurke schaj o artschijipe andi KUGA kherodim ol. Ando terno dschend o „roasinipeskero artschijipe“ ando ischkoli ando Burgenland ande ol.

Samer David Band
Roma-Service

Muschikan o mulatintschago la David Samer bandaha, le ungrika flogoskera bandaha Csörge sar la horvacka tamburicaha Hajdenjaki vodim ulo.