Christa Stippinger
edition exil
edition exil
ROMA SAM | LITERATURA

25 berscha EXIL-literaturakere patijariptscha | Schero Stippinger ando vakeripe

25to var i betschitiki „edition exil“ pro sako berschengero literaturakero patijaripe ande ofto kategoriji kerel. O falog taj o farajn EXIL mindenfelitike grupnenca khetan butschalinen. Pasche o flogoskere grupn, migrantscha taj migrantkiji taj manuscha migrancijonakera historijaha, paschlol jek baro dikipe upri flogoskeri grupn le Romendar.

Imar sajt o keripe le farajnistar EXIL, o Roma taj Romnja sari i Ceija Stojka vaj o Ilija Jovanović, jek baro terdschojipeskero vert andi farajniskeri buti ande len, phukal i keraschkija taj o schero Christa Stippinger ando vakeripe.

Ada bersch temtscha usar „diversity“ pedar „avre thanestar te ol" dschi otscha uso „avrijal te ol“

O EXIL-literaturakere patijariptscha sajt 1977 le pisimaschenge taj pisimaschkijenge, save andi Austrija dschin, andi nimtschki tschib pisinen taj andar jek avri tschib taj kultura tel schtaminen, use pumen irinen. Afka telal o jerinipeskere ledschaschtsch taj ledschaschkiji, use roasime, manuscha andar etnischi taj religijonakere tschuliptscha taj flogoskere grupnakere dschene pumen laken, afka te Roma taj Romnja. Ada bersch bulharen pumen o temtscha usar „diversity“ pedar „avre thanestar te ol“ dschi otscha uso „avrijal te ol“.

Radijo „Roma sam“ | 21to juni 2021 | 20:50 orenge

Duach i sendung vodinel Susanne Horvath | Live Radio Burgenland

And bitschajipe terne pisimaschenge taj pisimaschkijenge dschi uso 30kero juni 2021

Terne pisimaschtscha taj pisimaschkiji dschi 20 berscha, igen barikane le entviklinipeske jeka neva literaturatar andi Austrija hi, phenel i Stippinger. I „edition exil“ uso cil peske beschartscha, le neve taj le terne pisimaschenge taj pisimaschkijenge te pomoschinel, o neve dikiptscha ando austritiko literaturakero than te anel. Terne taj ischkolakere klastscha schaj meg dschi uso 30kero juni 2021, tekstscha and bitschan.

Co Moderatorin 2020 Julya Rabinowich
Mazohl Presse
Julya Rabinowich

O lejcti 25 berscha EXIL-literaturakere patijariptscha, genen pumen sar jek austritiki jerinipeskeri historija. But prindscharde pisimaschtscha taj pisimaschkiji sar i Julya Rabinowich, o Dimitré Dinev vaj o Thomas Perle ando kesdipe lengera literarischi karijeratar, patijariptscha andar i „edition exil“ uschtidine. Te Roma taj Romnja, sar i Ceija Stojka vaj o Mircea Lăcătuş, imar kenvi uso betschitiko falog, ari dine. Adi but jerinipeskere ledschaschtscha taj ledschaschkiji kenvi use bare falogtscha, sar Hansa vaj Deuticke ari den. O prik dipe use „25 berscha EXIL-literaturakere patijariptscha“ ando terno dschend ando keripe jeke bare mulatintschagostar, te ol.