Servus, Szia, Zdravo, Del tuha | 13ti juni | ORF 2 Burgenland | um 13:05 orenge | Live ORF TVthek
13ti Baranka parkiskero gondolipeskero mulatintschago
Sar sako bersch, te ada bersch o Baranka parkiskero gondolipeskero mulatintschago ando 20to maj, o upro them ajipeskero di le logeriskere prik dschivdestar taj muschikaschistar Johann „Mongo“ Stojka, tel kikerdo ulo. Ande ada bersch o mulatintschago vasch o Corona-tschatschiptscha tschak online kerdo schaj ulo. O upre lipe ando betschitiko jazz club Porgy & Bess sina.
Papal prado hi | O mojakero Hans-Jürgen Horvath
Ando 19to maj 2021 papal asaj dur sina. O austritike mojakere papal te pral tromde. Meg tschatschiptscha del, afka sar harneder pradipeskeri cajt taj o 3G tschatschiptscha, ham jek bari joma andi nomalitetakeri rik le mojakerenge hi. Vaschoda uso Hans-Jürgen Horvath Pinkafate samahi, savo imar sajt 24 berscha o schero la diskotekatar Halleluja hi.
Neve koji | Romengere stragegiji 2030
2011 la europitika komisijonatar erschtivar jek EU-jakero koja le nacijonali strategijenge usi inklusijona le Romendar dschi uso bersch 2020 ar dim ulo. Ando lejcti bersch i europitiki komisijona o neve strategischi koji uso glajchi terdschojipe, inklusijona taj use kerinipe le Romendar, dschi 2030 ar dine. Pedar odola koji diskutirinde eksperterkiji taj ekspertscha afka te upro Internacijonali Di le Romendar. Amen jek prik dipe pedar ada mulatintschago taj pedar o lek barikaneder koji usi tema „Romengere strategiji 2030“ khetan kedas.
Palgondolipe | ORF reporteri Erich Schneller
O dschene la flogoskera grupnatar le Romendar taj Sintijendar brigaschne hi vasch o barikano ORF reporteri Erich Schneller. Ando 23ti maj 2021 o Schneller, pal dugo pharo nasvalipe, 68 berschenca mulo.
1979 o Erich Schneller pri reporteriskeri buti ando ORF-thaneskero schtudijo Burgenland kesdintscha. Mindschart paloda, ov pe le neve kerde farajniske Roma Erba, ande beschartscha. „Amen jeke duge berschengere pajtaschi naschatscham“, phentscha o Johann Baranyai, aguno schero le farajnistar Roma Erba.
O Emmerich Gärtner-Horvath, anglebeschaschi le flogoskere grupnakere bajrotistar le Romendar, le Erich Schneller „ojs jek barikane dromeskere vodinaschi taj ojs jek idol odoleske, jek dschivipe nisaj diskriminacijaha te dschil“, patijarel. O Schneller jek bari hef upro drom uso mirno khetanipe pal mukel.
Palgondolipe | Muschikaschi taj prik dschivdo Christoph Gärtner-Horvath
Pal harno pharo nasvalipe, o prindschardo muschikaschi taj prik dschivdo Christoph Gärtner-Horvath, 87 berschenca mulo. Gugi, sar le leskere pajtaschtscha akarnahi, pra muschikaha le manuschen andi cili Europa loschartscha. Jek leskere lek bareder kojastar sina le ando film „Tschasarkija Sissi“, kada ov pra Romengera bandaha la tschasarkija vodintscha.