Roma igen sorale reste hi
Dschuvla, save maschkar 1966 taj 2012 mujsim schterilisirim ule, palo plantscha jefkar 300.000 kronen (valami 11.800 euro) te uschtiden.
I rotkija Pavla Golasowska phentscha, but dschuvla pedar o ande astaripe nisaj informacija uschtidine vaj telal fogosinipe – sar o bejg lipe le tschavendar – pumaro alav akor use dine. Igen sorale reste adalestar o Roma sina. Andi Tschechija valami 250.000 Roma dschin.
O konservativi rot Bohuslav Sobotka i vitesi le dschuvlengere badarendar pal lija. Adaj vasch jek „feleri le komunistischi sistemistar“ angle 1989 dschal, argumentirintscha o badari. Avre politikertscha le badarengere khetanipeske „hejchelaj“ angle tschidine. I mujsinipeskeri schterilisacija nisaj tschatschipengero maripe le badarenge pal peste cidija.