20 ljet narodna visoka škola Romov 30 ljet društvo Romov svečevanje OHO Erich Schneller
ORF
ORF
ROMA SAM | Pharo naschajipe

Briga andi flogoskeri grupn vasch o Erich Schneller

O Erich Schneller, kurke ando 22to maj 2021, pal dugo pharo nasvalipe ando phuripe 68to berschenca, mulo. O dschene la flogoskera grupnatar le Romendar taj Sintijendar taj o oficijeli Burgenland birgaschne hi taj i buti le ORF-iskere reporteristar patijaren, savo jek dscheno te la Romengera flogoskera utscha ischkolatar sina.

Radijo „Roma sam“ | 31to maj 2021 | 20:50 orenge

Duach i sendung vodinel Susanne Horvath | Live Radio Burgenland

Gärtner-Horvath | Le ar te dschuminel, hot ov falinel amenge, vaschoda o alava amenge falinen

Imar sajt o 1980te berscha, o Erich Schneller, le akor kerde farajniske Roma Erbate, pasche terdscholahi. „Ov amenge jek barikano dromeskero vodaschi sina, jek baro dscheno taj jek idol odoleske, jek dschivipe nisaj diskriminacijaha te dschil. Le ar te dschuminel, hot ov falinel amenge, vaschoda o alava amenge falinen“, phenel o Emmerich Gärtner-Horvath, anglebeschaschi le flogoskere grupnakere bajrotistar le Romendar.

Ludwig Horvath, Erich Schneller
ORF
O Erich Schneller taj o Ludwig Horvath † | 30kero jeneri 2020 uso mulatintschago „25 berscha atentato palgondolipe – terdschijipe – irinipe“

O Erich Schneller andi foroskeri gemajnde Simeha | Veliki Petrštof | Nagyszentmihály upro them alo, kaj ov te upre bartschino. Pal i matura upro gimnasijum Uprutni Schica, Betschiste publicistik taj politikakeri visenschoft schtudirintscha. 1979 pri buti ando ORF-thaneskero schtudijo Burgenland kesdintscha, kaj ov ojs reporteri radijoskere- taj televisakere sendungenge, redakteri taj keraschi televisakere produkcijonendar, prindschardo sina.

Baranyai | „Jeke duge berschengere pajtaschi naschatscham“

O Johann Baranyai, aguno schero le farajnistar Roma Erbate, pal gondolinel upro kesdiptscha le erschti micinipendar le Erich Schnelleriha, kada ando maschkaripe le 1980te berschendar le Romenge jek lokalengero fabot ar dim ulo. Diskriminacija la flogoskera grupnatar bojd sako di usi debata terscholahi. „Amen terne samahi taj na dschanahi, so gejng ada koja schaj keras, afka o Erich Schneller le terne Romenge o drom sikatscha“, phukal o Johann Baranyai.

O Schneller lenca khetan, gejng adala diskriminacijakere periptscha, ande pe beschartscha. Ov mindig upre diklahi, jek putrinipe te lakel, jek drom uso mirno khetanipe. Ov jek bari hef pal mukel, „amen jeke duge berschengere pajtaschi naschatscham“, afka o Johann Baranyai.