O but berschengero butschaschi le ORF Burgenlandistar, Erich Schneller, kurke ando phuripe 67 berschenca, pal dugo pharo nasvalipe mulo. Ov radijoskero keraschi, reporteri ando than informacija taj barikano keraschi televisakere produkcijonendar sina.
And bescharipe la flogoskera grupnake le Romendar
O Erich Schneller sina jek le erschti dschenendar, save uso kesdipe le Romengere micinipestar use sina. Ov mindig la flogoskera grupnake le Romendar ande pe bescharlahi taj ande pre kenvi le manuschen uso alav te al muklahi. Pasche sina o Erich Schneller te jek falato la Romengera flogoskera utscha ischkolatar Burgenland, kaj ov le magaciniske „Roma Cajtung“ pisinlahi.
Amen le Erich Schneller mindig ande amaro gondo taj ande amaro vodschi ledschaha. Ande aja phari cajt, amare gondi use leskeri familija hi. Nugodin ando mirnipe.