Use ada talalinipe ar kerdo ulo, hot o ORF dschi ando septemberi jek sendung kerel. O nevo magacin akor ando arto bersch, saki masek ando ORF III, sikado schaj ovlahi.
Buteder dschanipe pedar o schov aun prindscharde flogoskere grupn Volksgruppen
O austritike dschene schaj asaj magaciniha buteder pedar o flogoskere grupn siklon, phentscha o vakeraschi la anglebeschaschengera konferencatar le flogoskere grupnakere bajrotendar, Martin Ivancsics, pedar ada mangipe.
Te tikneder flogoskere grupn, afka sar i tschechitiki, i slovakitiki taj i ungriki flogoskeri grupn, adale kojastar profitirinahi.
Uso talalinipe te o Werner Herics, thaneskero direkteri le ORF-istar Burgenland taj te o fatreteri le flogoskere grupnendar ando ORF-iskero publikumiskero rot, Josef Buranits, use sina.