ORF TVthek | Servus Szia Zdravo Del tuha | 11to april 2021
Uso but tschibtschakero flogoskero grupnakero magacin „Servus Szia Zdravo Del tuha“ akarel tumen i Katharina Graf-Janoska andar o disakero park Halbturn, savo ando 19to schelberschengero telal o raj Friedrich palo englitiko idoliskero kipo kerdo ulo.
Utscho ischkolaschengero khetanipe | HÖR
Ande adala divesa o utscho ischkolaschengero khetanipe austritike Romendar taj Romnjendar, HÖR, kerdo ulo. Ada o erschti ternengero farajn le Romendar taj Romnjendar andi Austrija hi. Ando 8to april o farajn oficijeli angle terdschardo ulo.
Nostalgijakero teateri | Robert Schweizer
O babukengero khelipe jek barikani phuri taj tradicijoneli mulatintschagoskeri kunst hi, savi usar jek generacija usi kija generacija prik dim uli. O modernisirinipe pre opfertscha antscha taj afka adi tschak tschule del, save adala kunstaha pumaro sako diveseskero maro roden. Jek lendar hi o 36-berschengero Robert Schweizer. O medijakere dschene le projektistar Tschibtscha, savo le farajnistar Roma-Service ando bersch 2017 kerdo ulo, Erbate le murscheha palo babuki, reste pumen.
Presentacija, genipe | Mircea Lăcătuş taj Samuel Mágó
Ando feberi o duj pisimaschtscha Mircea Lăcătuş taj Samuel Mágó pumare lek neveder literarischi verktscha ando keripe jeke online genipestar ando literaturakero kher Betschi, presentirinde.
Le Lăcătuşiskeri tschaj, i Ioana Spataru, o tekst „Die geheime Geometrie der Seele“ prik beschartscha taj andar i poesijakeri kenva gentscha. O Samuel Mágó jek falato andar pri phukajipeskeri kenva „Bernsteyn und Rose“ angle gentscha.