O Paul Polansky ando 17to feberi 1942 ojs tschau tschechitike-nimtschke and roasinaschendar andi Amerika upro them alo. Ando 1990te berscha andi Tschechija dschivlahi taj i historija le logeristar le Romenge ando tschechitiko Lety ando pradipe ledschija, paloda ov but archiviskero materijal ar hantscha taj prik dschivdenca vakertscha.
I historija le logeristar sajt o dujto themeskero haburi naschadi sina vaj na tschatschikan phukadi. Uso and tschapime dschene le logeristar o prindschardo partisano Josef Serinek taj leskeri familija kerinlahi. Dugi cajt paloda upro aguno than le logeristar jek balitschengeri vora kerdi uli.
O Polansky but kenvi taj te o dokumentacijakero film „Gypsy Blood“ ari dija. Ando bersch 2004 o manuschengero tschatschipeskero patijaripe andar Weimar uschtidija, kaj ov pro dschivipe le ando Kosovo dschivde Romenge, and bescharlahi.