Angle leskeri karijera ojs Romani lingujist ov but berscha ojs politischi analyst taj ojs prik bescharipeskero la francitika botschoftake ande i Tirana butschalinlahi. Palodo ov upri „École pratique des hautes études“ (EPHE) ande Paris sikavlahi. Sajt 1997 sina ov Couthiade ojs ao. profesori upro instituto „national des langues et civilisations orientales“ (INALCO) upri universiteta Sorbonne Paris Cité. Upro ada institituto, kaj ov pro „PhD" kertscha, upre baunintscha ov jek schtudijakero sikadipe „Romani-Tschib taj Kultura“. Afka Sorbonne jek universiteta uli, upre savi i Romani tschib schaj schudirim ol. Angle poar berscha konciprintscha ov ande ada khetan hejnginipe jeka internetakera basirti interaktivi schtudijakera platform le siklipeske la Romana tschibtschatar.
O Marcel Courthiade sorale pe ande bescharlah, jeka aunprindscharda Romani standartisirti tschibtschatar. Afka ov 1990 upro IV. kongreso la IRU-atar ando polnitiko Serock jek modelo la ortografischi khetan keripestar le but mindendenfelitike dijalektendar presentirintscha. Ada standartisirti Romani alfabet (ande leskero pisinipe: Rromani), naschtig pe dschi adi duach beschartscha.
O Marcel Courthiade ando 4. merc 2021, phendo ol, hot Covid-19 leske sina, andi schpita ande Tirana mulo.