Mahnmal für die Attentatsopfer von Oberwart
ORF
ORF
Roma sam | Gondolipe

Gondolipe le atentatiskere opferenge Erbatar

Ando 4to feberi o gondolipeskero di hi, kaj upro Romengere atentatiskere opfertscha Erbatar, gondolim ol. Vasch i Corona pandemija meg na del nisaj fiksi termin le ada berscheskere gondolipeskere mulatintschagoske.

Te 26 bescha palo bibastalo atentato pekamlo hi, le opferenge Josef Simon, Peter Sarközi, Erwin taj Karl Horvath, patijardo te gondolinel. Ande amari adiveseskeri sendung Roma sam, schunen tumen jek khetan kedipe andar o lejcti bersch.

Gedenktafel für die Attentatsopfer von Oberwart
ORF
Gondolipeskeri tablina le schtar phralenge, save opfertscha le atentatistar ule

Aktujeli entvikliniptscha uso tel likeripe le gondolipeskere mulatintschagostar 2021, schunen tumen ando sako kurkeskere sendungtscha Roma sam upro Radijo Burgenland.

Kada ando bersch 1995 o atentato pasirintscha, amare daja taj dada ande oda phuripe sina, sar amen le akan sam taj on adaj andi sidlung Erbate dschivnahi. Le cilen dschene dar sina. On pumara brigaha taj te pumara daraha iste kisne ovnahi, phukal i Manuela Horvath, schero la Romengera-pastoralatar andi diözesa Tikni Martona.

Manuela Horvath
Parlamentsdirektion/Thomas Jantzen
Manuela Horavath, schero la Romengera-pastoralatar andi diöcesa Tikni Martona

Roma sam | 8to feberi 2021 | 20:50 orenge

Radijo Burgenland Livestream

O Emmerich Gärtner-Horvath, anglebeschaschi le flogoskere grupnakere bajrotistar le Romendar dikel, hot but feder ulo. Te dikel taj te esbe te lel hi, hot o aunastaripeskere darja maschkar o Roma taj gadsche tschuleder ule. Kekaj afka hi, iste ham i upre butschalinipeskeri buti angle tradim ol, phenel o Emmerich Gärtner Horvath.

Emmerich Gärtner-Horvath
Die Presse/Teresa Wirth
Emmerich Gärtner-Horvath, anglebeschaschi le flogoskere grupnakere bajrotistar

O Stefan Horvath, savo uso atentato jeke tschau naschatscha, pro upredipe ando pisinipe lakla. O pisimaschi pri duk ande pre tekstscha fabutschalinel. „O cukunftakere generaciji iste pumen gejng sako rasismus terdscharen“, afka o barikane alava le Horvathistar. Bajder phukal o Romengero-pisimaschi pedar pri daj taj pedar pro dad, save so duj ando logeri sina.

Stefan Horvath
Michael Strini
Stefan Horvath, pismaschi taj dscheno andar i Romengeri-sidlung Erba

Ando aktujeli ardipe le magacinistar Servus Szia Zdravo Del tuha, kurke ando 14to feberi 2021, 13.05 orenge ando ORF 2 Burgenland, buteder pedar o atentato Erbatar taj pedar i gondolipeskeri kultura la flogoskera grupnatar, schuna.