Jefkar buter o pisinipe o mangipe sikal, hot o argranicalipe le Romengere tschavendar ande bibastaleder Romengere ischkoli, kisetim te ol. Aja etnischi segregacija ando putrimo ulajipe le ischkolakere schprengelendar duach o lokali birovotschagi dim hi. Te ada na kisetim ulo, akor iste i regirung lendar aja kompetenca bejg lel. Butvar kritisirim ol i praksis, kaj saste Romengere tschave mindschart andi sonderschul, savi le godakere nasvale tschavenge hi, and dim on.
Roma andi Slovakija pantschvar buteder ande asaj ischkoli peren, sar le avre tschavendar. Peder ari mangel i ECRI, hot o Romengere tschave feder sikade te on, angloda on andi ischkola phiren. Tschave, save Romani vakeren, imar ande anglutne ischkoli, i slovakitiki tschib te siklon. Vaschoda le meschterkijen taj meschtertschen schpecijeli arsiklipe te ol, taj te ajgeni sikajipeskere materijaltscha iste kerde ovnahi.
Ojs positivi o pisinipe o aunterdscharipe le Romengere ischkolakere asistentendar taj o sikajpeskero pomoschago ande grupnakere centren, angle asdija. O financirinipe upre jek dugi cajt iste delahi.