ORF TVthek | Servus, Szia, Zdravo, Del tuha | 13ti decemberi 2020
I moderatorkija Katharina Graf-Janoska andar i thaneskeri galerija Burgenland pe meldinen. Akan Tikne Martonate o artschijipe „Burgenland nonamour“ jek homascha upro schukaripe le Burgenlandistar, te dikel hi.
O artschijipe le verkenca mindenfelitike molerendar taj kipengere tschidaschendar, meg dschi uso 23ti decemberi aun diklo schaj ol.
Decentrali nacijonalsocijalistischi „Zigeunerengere logertscha“
Imar anglo dujto Lockdown, meg jeke publikumiha, ando Roma-Doku, jek anglevakeripe usi tema "Decentrali nacijonalsocijalistischi „Zigeunerengere logertscha" upro than la adivesakera Austrijatar 1938 dschi 1945“, dija.
I historikerkija Sabine Schweitzer pre resultatscha use ada forschinipe, presentirintscha. O kulturakero farajn le austritike Romendar, ada forschinipeskero projekto, andi buti dija.
Ar virkiniptscha la Corona pandemijatar upro Roma taj Sinti
Prognosticirim ol, hot i Corona pandemija, virtschoftlichi diklo,jek bareder krisa anla sar oja ando bersch 2008. Butvar tschore manuscha odola ar virkiniptscha lek soraleder esbe len. Ando but vilagi la Europatar o Roma use odola dschene genen taj telal o koji la pandamijatar tirinen.
Ham sar i situacija le Romendar andi Austrija ar ditschol? Pedar ada, ekspertkiji taj ekspertscha ande jek onlie podijumakeri diskusija ando oktoberi, diskutirinde.
Organisirim uli i podijumakeri diskusija le projektostar DROM-Empowerment le Romenge, ar gelo le betschitike flogoskere utsche ischkolendar.
Analisa | Usi inklusijona le Romendar dschi 2020
2011 o nacijonali Romengero kontaktoskero than ando bundakero kancleriskero birovtschago kerdo ulo taj ando glajchi bersch jek EU-jakero pisinipe le nacijonali strategijenge usi integracija le Romendar dschi 2020 ar dim ulo. Sako EU-jakero vilago odotar aun iste dikla, kaj i dschivipeskeri situacija le Romendar feder te ol taj sako bersch iste jek pisinpe pedar tel denahi. Ande ada bersch o afka akarde Romengere strategiji ar naschen. Amen pal dikas taj jek khetan kedipe le prik bescharipestar le strategijendar andi Austrija sikavas.