Aja inicijativa khetan le farajn Roma-Servicejistar, Romani Projekt taj le thaneskere ischkolakere rotistar le Burgenlandiske ledschim ol.
O meschteri Josef Schmidt kherodaschi andi sendung hi.
O aunmeldiniptscha uso ischkolakero sikadipe naphandlo hi, ham paloda fapflichtim. O ischkolaschtscha, save uso Romano siklipe use hi na censura uschtiden. Nisaj dschumipeha o tschave upri khelipeskeri koja o grundakere dschaniptscha la Romani tschibtschatar siklon.
Sikado ol ande duj grupn, mindig jek ora ando kurko. I sikadipeskeri tschib Romanes hi. Upro anglutno than le Romani sikadipestar i mujakeri komunikacija terdschol. Andi praksis lel o Josef Schmidt andar o farajn Roma-Service, savo o meschteri hi, masckar o sikadipe tschak i Romani tschib.
O arvölinipe adala metodejatar igen latsche pe sikal. Muguli odola tschave, save ando kesdipe le sikadipestar nisaj Romanes dschanahi, imar akan eklik te vakerel dschanen.
Ada akan imar pe sikal, hot o sikadipe andi Romani tschib jek baro falato uso terlikeripe la Romana tschibtschatar hi.