„Ada nacijonali taj internacijonali jek soralo signal la tschibtschakera taj kulturakera ididentitetatar le flogoskere grupnendar andi Austrija hi“ phenel o Berlakovich meg use.
O flogoskere grupn andi Ausrija pal dschan taj tschuleder on. Taj te lengeri kultura taj tschib afka pal dschal taj nan buter arakim. „Vaschoda o dipe le dujvar atschi lojendar barikano hi, kaj schaj neve projektenge pomoschim ol. Ando regirungakero programo jek use terdschojipe uso flogoskere grupn fa ankerim hi taj but keriptschenca tel pisim. Ada keripe ando lojengero plan 2021 ande hi, savo o financministeri Gernot Blümel ando nacijonal rot angle tertschardscha taj savo akan o parlamentarischi proceso duach naschel“, phenel o Berlakovich.
„O loj, save dujvar akan atschi hi jek vertiskero schecinipe hi taj soralo signal adala bundakera regirungatar, igen sorale le bundakere kancleristar Sebastian Kurz, finacministeristar Gernot Blümel taj la bundakera ministerkijatar Susanne Raab, kaj o flogoskere grupn andi Austrija pumen schaj feder entviklinen taj amen lengera kulturaha schaj barvaren“ phenel o Berlakovich.