ORF TVthek | Servus | Szia | Zdravo | Del tuha | 11.10.2020
Publikacijona „Einfach weg! Verschwundene Roma Siedlungen im Burgenland“
Valami 120 Romengere sidlungtscha ando Burgenland anglo bersch 1945 dija. Adi tschak oja Erbate prindschardi hi. I historija taj o terdschijipe le sidlungendar akan andi kenva „Einfach weg! Verschwundene Roma Siedlungen im Burgenland“ le historikendar Herbert Brettl taj Gerhard Baumgartner khetan ledschim ule taj erschtivar ande Podersdorf presentirim.
Gondolipeskero than | Pinkafate taj Uprutne Puljate
So jefkar te ande Podersdorf ovla, ando septemberi ande duj burgenlanditike gemajntscha rejaliteta ulo: Ando kesdipe le septemberistar Pinkafate jek gondolipeskero than le opferenge le nacijonalsocijalismusistar le pradipeske sikado ulo. Tschak poar kurke paloda andi Uprutni Pulja, papal jek gondolipeskero than tel utschardo ulo.
Internacijonali Romengero Di | Mulatintschage
Ando kisetinipe le septemberistar, telal o and likeriptscha, o Internacijonali Romengero Di, savo sako berscha ando 8to april mulatim ol, ando betschitiko jazz klub Porgy & Bess tel likerdo ulo. Kekaj te i podijumakeri diskusija la temaha „Fremd- und Selbstzuschreibung der Roma in Kunst und Kultur“ na afka kerdi schaj uli, sar li planim sina, la politikakera visenschoftlerkijaha Mirjam Karoly, taj le dujte scheroha le farajnistar Voice of Diversity, Marion Dworzack, pedar aja tema vakertscham.
O Harry Stojka koncerto, afka sar mindig bara soraha, tel likerdo ulo.
Talalinipe taj „Mulatintschago le mindenfelitikostar“
Kaj o Internacijonali Romengero Di khetan mulatim schaj ol, te o farajn HANGO Roma taj Roma VHS Burgenland andi kisetinipe le septemberistar jek talalinipe taj jek mulatintschago le mindenfelitikostar, planinde. Vasch o neve Corona tschatschiptscha ada mulatintschago ando Pradimo Kher Erba naschtig tel likerdo ulo taj vaschoda tschak online le dija. Amen tumenge jek harno prik dikipe khetan terdschartscham.
