Savjeti narodnih grup razgovor ministrica Susanne Raab
BKA/Andy Wenzel
BKA/Andy Wenzel
POLITIK

Buteder loj le flogoskere grupnenge

I regierung ando ministerengero rot o loj le flogoskere grupnenge schtar milijoni Eurojenca akan upre 7,9 milijoni Euro utschjartscha. Uso 100to berscheskero di le flogoskere telschtiminipestar ande Kärnten, schtar milijoni Euro „tel schtiminipeskere loj“ del.

Ando 10to oktoberi o 100to jubilejum le flogoskere telschtiminipestar andar o bersch 1920 mulatim ol. Ande oja cajt valami 59 procenti le dschenendar andar o sud Kärnten vasch o atschipe usi Austrija ar pumen vakerde, kekaj valami 70 procenti le dschenendar andi afka akardi telschtiminipeskeri cona I i slovenitiki dajakeri tschib vakernahi.

I bundakeri regirung ada jublilejum uso koja jeke financijeli use dipestar le schtar milijoni Eurojendar lel. Adale „jubulejumiskere dipeha“ jek koja uso pomoschago le slovenitike tschibtschakere vakeraschendar kerdo ol, butscholahi ande jek ardipe.

Schov autochtoni flogoskere grupn

O flogoskere grupnakere loj, save akan utschjarde on, le upre likeripeske la kulturatar taj la tschibtschatar te pomoschinen. Andi Austrija schov autochtoni flogoskere grupn del: i slovenitiki ande Kärnten taj ando Schtacko, i ungriki ando Burgenland taj Betschiste, i tschechitiki taj i slovakitiki flogoskeri grupn Betschiste taj i flogoskeri grupn le Romendar ando Burgenland.

I kancleriskeri birovtschagoskeri ministerkija Susanne Raab (ÖVP) ande jek ardipe pedar jek „majlen bar“) vakertscha, adaj vasch jek „soralo signal la bundakera regirungatar pe handlinel, saj utscho terdschojipeskero vert amen le flogoskere grupnenge andi Austrija das“, ham te jek „ardschumipe le historischi ferantvoatinipestar“ hi.

„La Austrijakero soralipe imar mindig o mindenfelitiko le manuschendar hi, save andar amaro vilago dschin“, phentscha te o dujto kancleri Werner Kogler (Selene). „Saki flogoskeri grupn amari kultura taj amaro khetanipe barvaljarel.“