Flyer
Verein HANGO ROMA
Verein HANGO ROMA

Romengero Di 2020 | Talalinipe & mulatintschago le mindenfelitikostar

O farajn HANGO ROMA taj i Romengeri flogoskeri utschi ischkola Burgenland ando terno linaj 2020 jek mulatintschago uso Internacijonali Di le Romendar planinde, savo ando 8to april upro cilo them, mulatim ol. O vasch o Covid19-koji tel phendo mulatintschago, akan ando 26to septemberi 2020, ando Pradimo Kher Erba (OHO) tel likerdo ol.

O atentato Erbatar mangle koji le autochtoni Romengere-khetanipeske ando Burgenland taj andi Austrija antscha. Erschitvar andi historija la dujta republikatar, i flogoskeri grupn dikipe andar o pradipe uschtidija. O butvar bibastale dschivipeskere situaciji ando dikipe le pradipestar pele sar te i sturktureli diskriminacija taj o teldikipeskere strukturtscha, savenca o Roma meg mindig donde iste pumen bescharnahi.

O atentato Erbatar, buteder vaj tschuleder esbe lime iriniptscha pal peste cidija, o prik astariptscha upro Roma taj murdariptscha ande avre europitike vilagi le khetanipenge oni tschatschipeskere koji atschine taj atschon. Schtotiskere koji uso feder keripe le dschivipeskere situacijendar le Romendar ando lek buteder vilagi falinen te afka, sar jek barikano angle gejipe gejng rechtsekstremi grupn taj mediji, save rasistischi parolenca i phuv le sake diveseskere tradipestar gejng o Roma, bulharel.

Subota, 26to septemberi 2020, 14.00 orenge
Talalinipe & mulatintschago le mindenfelitikostar
Pradimo Kher Erba, Listz gaslina 12
7400 Erba
Le and gejipeske nan nischta te potschinel

„Tradipe gejng o Roma – Gewalt gegen Roma“

14.00 orenge ando Pradimo Kher Erba jek talalinipe usi tema „Tradipe gejng o Roma – recepcijona taj umgejipe jeke europitike sikajipeha“ del. O akaripe o 2to thaneskero presidento taj biro Georg Rosner, o anglebeschaschi la Romengero flogoskera utscha ischkolatar Burgenland Andreas Lehner taj o schero le farajnistar HANGO ROMA Nadine Papai, keren.

O referentscha upro podijum hi i Magdalena Marsovky (Ungriko), i Nadin Papai (Austrija), o Stephan Ozsváth (Germanija/Ungriko) taj o Markus End (Germanija). Uso simbosijum uso Romengero Di 2020, o teror gejng o Roma ando vilagi la Europatar, leskeri recepcijona taj o khetanipeskere ar virkinipe upre sikado taj diskutirim te ol. Moderirim ol o mulatintschago la Katharina Graf-Janoskatar.

„Mulantintschago le mindenfelitikostar – Fest der Vielfalt“

Telal o anav „Kultura khetan amen phandel“ kesdinel 19.00 orenge jek mulatintschago le mindenfelitikostar. I ungriki khelipeskeri grupn Batschiba, i Romengeri banda Romano Rath taj i Samer Banda pumare khelipeskere- taj muschikakere kojenca, jek and dikipe ando jekoschne kulturtscha den. Use jek kulinarischi roas andi „Romengeri-kojnha“ o cile kherodaschkiji taj kherodaschtscha, igen vodschikan akarde hi.

Ungarische Tanzgruppe Jabing
Julius Horvath
Ungriki khelipeskeri grupn Batschiba
Romano Rath
Romano Rath
Romano Rath
Samer Banda
Kerstin Horvath
Samer Banda

Ando khetanipe le Pradime Khereha Erba. Pomoschago uschtidel ada mulatintschago le austritike khetanipestar le politischi sikadipestar, than Burgenland, kultura Burgenland, cukunftakero fonds la republikatar Austrija, farajn Roma-Service taj la foroskera gemajndatar Erba.

Barikano koja:

O mulatintschago telal o and likeripe le aktujeli tschatschipeskere Covid-19 kojendar, tel likerdo ol. Amen molinas tumen, lenen tumaro mujengero- taj nakengero arakipe tumenca.