Denkmal Pinkafeld
ORF
ORF
ROMA SAM

Holocaust | Ferantvoatinipe idsch taj adi

Lejcti kurko Pinkafate jek bar le opferenge le nacijonalsocijalismusistar tel utschardo ulo. O than anglo gemajndakero kher akan „than le palgondolipestar“ butschol. Uso tel utscharipe o historikeri taj o schero le dokumentacijakere archivistar le austritike viderschtaundistar Gerhard Baumgartner jek barikano vakeripe likertscha.

O Gerhard Baumgartner, Pinkafate usi tema „o ferantvoatinipe taj i analisa le kojendar le holocaustistar ando Burgenland“ vakertscha. Ov o gondolipeskero bar ojs jek use phenipe use ada ferantvoatinipe dikel, mint o nacijonalsocijalistischi tradipe la gaveskera politikatar na alo andar i partajakeri centrala andar Berlin, ov andar o maschkaripe le gaveskere dschenendar alo. Ar rodime falati adale vakeripestar schunen tumen adi ande aja sendung.

Te jek avro gondolipeskero than uso gondolipe upro opfertscha la NS-diktaturatar, suboton andi Uprutni Pulja, ande jek mulatintschago sentelim ol.

Subota, 19to septemberi 2020 | 14.00 orenge
Scheroskero drom 56
7350 Uprutni Pulja

Gondolipe upro opfertscha la NS-diktaturatar andi Uprutni Pulja