Kasernengebäude Oberwart
ORF
ORF
SASTIPE

Kasarna uso sastipeskero centrum ol

I kaserna ando foro Erba nevo lajipe uschtidel. Andar o phuro patijardo kher, jek sastipeskero centrum kerdo ol. Tschetertekon o bauninipeskero kesdipe le projektostar kesdintscha.

90 berscha palo lapatakero posajipe akan papal investirim ol. Andar o historischi kher, jek sastipeskero centrum kerdo ol, phentscha o OSG-schero Alfred Kollar. Pasche badartscha, te avre sastipeskere koji odoj te del. Afka jek igen bulhi paleta akor del. Sa usi tema sastipe telal jek hibo ando centrum le forostar khetan te phandel taj na avral o foro, afka o Kollar.

Kasernenhof
ORF
Andar i aguni kasarna ando foro Erba jek sastipeskero centrum ol

Kher afka te atschol sar lo hi

Kaj o kher telal arakipe terdschol, na tromal o dikipeskero kipo irim te ol. Muguli o nimcengero seleno feschto le boklendar taj le vudarendar iste atschol. Afka hi, hot Erbate na but bare bauninipeskere verktscha del taj vaschoda barikano hi, hot i OSG ada kher upre likerl taj asaj kamlo nevarel, phentscha o architekto Martin Schwarz. Duach o sanirinipe le akaripeskere birovtschagoha schaj jek schukar hango ando kher ol, savo pe akor te upro pacijentkiji taj pacijentscha ar virkinla, afka o Schwarz.

Baustart des Gesundheitszentrums in der ehemaligen Kaserne Oberwart
ORF
Tschetertekon o bauninipeskero kesdipe sina

Schtar milijoni Euro investirim on

La Erba ada jek jerinipe hi, kaj i kasarna, savi schutschi hi, papal dschivdon ol, phentscha o biro Georg Rosner (ÖVP).

Gesundheitszentrum 2021
OSG
Afka akor ando terno dschend 2021 o nevo „sastipeskero centrum“ ando maschkaripe le vodschistar le forostar Erba ar te ditschol

Sastipe jek bari tema hi taj amen loschanas amen, hot ada centrum akan ando maschkaripe le forostar kerdo ol taj o foro papal buteder dschivdon ol. Ada le foroske schukar hi, afka o Rosner. I OSG ando bauninipe schtar milijoni Euro investirinla. O kisetinipe le terne dschendiske ando arto bersch planim hi.