On demand | Roma sam | 27.7.2020
Angle buteder sar 35 bescha o Freistädteri, Sintijengere vurclinenca, upro them alo. Ov andar jek familija al, savi dromeske sina taj koji ar terdscharlahi. O Robert ojs jekoschno tschau upre bartschino taj imar sik ov pro kamipe uso babukengero teateri esbe lija, phukal ov ando vakeripe le Adolf Gussakiha la radijoskera sendungake „Roma sam“.
O irinipe la cajtatar taj o modernisirinipe te adale butjakere falato resla. Kekaj afka hi, o Robert ham bastalo hi, hot pro kamipe use pri buti kertscha.
Afka o babukengero khelipe le terne kistleriske na tschak jek buti hi. Ov i tradicija taj i kultura leskera familijatar upre te likerel taj bajder te kerel kamla.
Tschavengere bartscha taj ischkoli odola khera hi, kaj ov butvar pre babukenca khelel. O Robert ham te meresch kojenge khelel, kaj valakoske pomoschim ol vaj upro botschitschakere fori.
Te le Robertiskero babukengero teateri, afka sar but avre firmtscha taj kintlertscha andi Austrija, la Corona pandemijatar reslo sina. Te leske jek phari virtschoftlichi situacija sina.
O Robert Schweizer gondolinel, hot ando septemberi papal pra dromeskera botaha upri roas schaj dschal taj afka but tschavenge andi Austrija taj ando avre vilagi, kaj i nimtschki tschib vakerdi ol, voja schaj anel. Dschidokle pedar i cajt pra familijaha loschanel pe.
I bast ande pro privati dschivipe o babukengero khelaschi Erbate lakla. Odoj pra dschuvlaha, la muschikaschkijaha Jessy Horvath taj la khetana trin berschengera tschajaha, dschil. Te leskera dschuvla, afka sar le Robert, jek kinstlerischi and fojinipe hi taj te oj dscheno la flogoskera grupnatar le Romendar, hi.