Alex Galamb mit den Kindern
BR | Attila Poth
BR | Attila Poth
UNGRIKO

Te pekel latscho hi | Terno Rom tschavenge pomoschinel

Jek terno Rom, ov pekari hi, tschore tschavenge ando Ungriko pomoschinel. Tel lende te Romane-tschave hi.

Angle jek pradimi vorakeri kaputa ando ungriko tikno foro Hernadnemeti tschave upro 22 berschengero Romengero pekari Alex Galamb uscharen. Sako jek parno T-Shirt pre anaveha taj jeke emblemiha ledschel. „Te pekel latscho hi“ („sütni jo“ andi ungriki tschib) – afka butschol i inicijativa le Galambistar, savo ande pre naphandle divesa tschavenge sikal, sar iste peken. „Afka schaj jefkar jek drom andar o tschoripe laken“, phenel o vojaschno pekari.

Ande Hernadnemeti valami 3.500 dschene dschin, lendar valami 15 procenti, Roma hi. Le Alex Galambiskero kher andi Romengeri sidlung le gavestar terdschol. Na dur pal, erscht o kher kintscha. Schtrom del ando kher, paj ham meg na. O Alex iste o paj meg mindig andar i hanig hulinel.

O Alex Galamb andar jek bari Romengeri-familija al taj ov esbe iste lija, saj pharo ando Ungriko le Romenge hi, andar o tschoripe ar te phagel. Le pantsch phenja taj phrala hi taj ov efta berschengero phurano sina, kada leskero dad mulo. O dschivipe la familijatar mindig phareder ulo. La ischkolake ando sako diveseskero kejmpfinipe vasch o prik dschivipe, nisaj cajt nana. I familija donde phatschini taj kada o Alex 16 berscha phurano sina, ande jek tschavengero kher lo pelo.

Andi ischkola nana ov asaj latscho sar o avre taj ov akor dikla, so ov ando cilo berscha naschatscha. Ham ov na dija upre: Na andi ischkola taj te na leskero suno, pal jek feder dschivipe ojs pekari. Taj ov schofintscha le taj akor pro dschanipe imar ando tschavengero kher le terneder tschajenge taj tschavenge, bajder dija. „Me gondolinav, hot me valaso jerintschom, mint akan imar poar le tiknendar upro drom hi, pekari te ol“, phukal o Alex barikano.

Alex Galamb mit den Kindern
BR | Attila Poth
O Alex Galamb le tschavenca andi andi feschtimi kojnha

O 22 berschengero tschaven kamel taj ov sik o tschatscho hango lenca lakel. O gondo andi Corona-krisa alo, phenel o Alex Galamb: „Me naschtig andi buti gejom taj o tschave na tromna hi andi tschavengeri bar vaj andi ischkola te dschal. Taj kaj mindig o prischind delahi, na dschanahi avral te khelel. Kaj me meresch pekav, te kher le mindig kerav, taj o trin tschave, save manca ando kher dschin, mindig pomoschinen mange. Akor te le avre tschaven akartscham. Erschtivar tschak poar sina taj akan imar buteder sar 15“.

Kinder beim Herstellen von Kokoskugeln
BR | Attila Poth
O resultato la khetana butjatar „kokosiskere kuglini“

Akan jek barikani kampanja telal o anav „Te pekel latscho hi“ andral ulo. O talaliniptscha akan meg ande leskeri kojnha hi, ham o Alex gondolinel, bojd jek ajgeni than ando kher uso Mini-pekantschago um te bauninel te dschanel. O Alex use jek pekari ando nochberiskero gav butschalinel taj mindig, te le jek naphandlo di hi, „pre“ tikne pekartschen sikal.

Taj sakoneske ov i tschatschi buti lakel, le trin berschengerenge dschi otscha uso 13 berschengere. O phuripe nisaj koja na khelel, ham jek koja iste o cile ande likeren: „Ko andi ischkola dschal, iste erschtivar pri khereskeri buti kerel, taj tschak akor tromal te pekel te al“. Mint o Alex esbe lija, hot tschak sikadipeha andar o tschoripeskero karikano naschipe ari ajs, ande savo but Roma dschin. Taj akor schaj andar o sune, ciltscha on. Taj le Alex imar o arto cil anglo atscha hi: "Jeke diveseske meresch meschteri ojahi, kaj mri ar siklimi buti taj mro dschanipe, te oficijeli bajder schaj dav.