Cil le neve necverkistar hi, o hajojipe le nacijonali tschulipenge taj flogoskere grupnenge taj lengeri tschib taj kultura feder ando pradipe te sikal. Pasche barikano hi te o informacijakero- taj o terdschijipeskero arparujipe maschkar o tschuliptscha taj o flogoskere grupn.
Than le arparujipeske taj le talalinipeske
„Amen adale keripeha le tschulipengere khetanipendar amari tschulipengeri politischi komentenca meg soraleder ojs Best-Practice-Beispiel andi Europa ande te ledschel kamaha – duach projekti, seminartscha taj talaliniptscha taj arparujiptscha“, phentscha o dscheno le tschulipengere birovtschagostar le thanestar, Johannes Callsen. O necverk o schajipe le talalinipeske taj le arparujipeske maschkar o tschuliptscha ham te le avre dschenenca del. Ada ando jubilejumiskero bersch o mrino granicakero cidipe andar 1920 maschkar i Germanija taj Denemark, jek barikano cajchn hi.
Idol le avre regijonenge
Keripeskere organisaciji le necverkistar hi o khetanipe nimtschke Nordschleswigerendar (BDN), o Friesen rot e.V. Sektion Nord, Sydslesvigsk Forening e.V. (SSF), o khetanipe le nimtschke Sintijendar taj Romendar e.V. thaneskero khetanipe Schleswig-Holstein, i europitiki akademija Schleswig-Holstein, o europitiko centrum le tschulipengere phutschajipenge (ECMI) taj i föderalistischi unijona europitike nacijonalitetendar (FUEN).
„Adale keripeha o tschulipengere organisaciji amara regijonatar, ledschaschtscha taj impulsakere dijaschtscha adale necverkiske hi“, phentscha o Callsen. O partnertscha avre tschulipenge andi Europa jek latscho sikajipe le tschulipengere pomoschagostar ande Schleswig-Holstein schaj on. O than o tschulipengero-kompetencakero-necverk lojenca telal o va astarla, kaj projekti ando gondo le tschulipengere pomoschagostar, kerde schaj on.