Irena Bihariová
Irena Biháriová
Irena Biháriová
Slovakija

Slovakija: Romni partajakero schero ulo

I slovakischi partaj "Progresívne Slovensko („Fortschrittliche Slowakei“),savi 2017 kerdi uli taj na ando parlamento fatretim hi, ando juli jek partajakero kongreso tel likertscha. Vaschi coronajakeri situacija o kongreso online tel likerdo ulo taj i Irena Bihariová (39) usi nevi anglebeschti la socijal liberali, pro europitiki partajatar völim uli.

105 hangenca schaj i dujto scherengeri anglebeschti pantsch partajakere deligirti buteder pal late sina sar lakere gejng kanidatistar Michal Truban. Afka o erschtivar andi historija la Slovakijatar jek Romni jeka partajatar angle beschel.

„I mitgliderakeri basi jeka latscha kojake le likerel – sar avrijal lo te ovlahi, hot jek dschuvli – taj jek Romni – ojs angle beschti terdschol, sar use jek progresivi partaj? Ada iste jek falato amara interni politikatar diklo ol", phenel oj ande jek vakeriipe.

Irena Bihariová
Irena Bihariová
I Irena Bihariová

Manuschengeri tschatschipengeri fischgoraschkija

I Bihariová al andar o foro Trnava taj use pri Romengeri familija latsche upre bartschini. Kekaj but diskriminacijak oj ar beschardi sina, kaj ando vakeripe le papruschengere nevipestar „Denník“ phukal, oj schoha pedar pro etnischi ajipe nisaj bari koja kerel: „Mri daj taj mro dad mange sikline, na pe te garul katar ajs taj ko tu sal, ada schoha jek tabujakeri tema sina.“

I Irena Bihariová pro schtudijum ande Bratislava kisetintscha. Sajt 2009 vodinel oj ojs manuschengeri tschatschipengeri fischgoraschkija i organisacija „Lidé proti rasismu“ Manuscha gejng o rasismus taj pe but donde bescharel le „Hate Speech“ taj rasismusiha ando internet. Adala butjake oj 2016 le „Roma Spirit Award“iha patijardi uli. 2013 oj ojs dujto anglebeschto le antirasimus "Ausschuss!istar ando slovakischi ministerijum le andrutneske ande beschardi uli.