#GOA20
Grimme-Institut
Grimme-Institut
GERMANIJA

RomArchive o Grimme-patijaripe jerintscha

RomArchive, o digitali archiv le Sintijendar taj Romendaar, o barikano „Grimme Online Award“ andi kategorija „dschanipe taj sikadipe“ jerintscha. O patijaripeskero prik dipe vasch i Corona-pandemija digitali kerdo ulo.

O Romani Rose, o anglebeschaschi le dokumentacijakere- taj kulturakere centrumistar le nimtschke Sintijendar taj Romendar, la juryake andar o „Grimme Online Award“ adale barikane patijaripeske, palikerel.

„O patijaripe use ledschel, kaj o pedar 600-berschengero kultureli taj kinstlerengero keripe le Sintijendar taj Romendar ando thana la sikadipeskera kunstatar, la muschikatar taj la literaturatar ande lengere vilagi taj lengero baro ande fojinipe upri europitiki kulturakeri historija, diklo te ol“, phentscha o Rose.

#GOA20
Grimme-Institut

Le „Grimme Online Award-iha“ andi kategorija „Dschanipe taj sikadipe“ famitlinipeskere diptscha patijarde on, save relevanti koji le cile manuschenge le lipeske prik den taj le khetanipeskere sikadipeske, berotinipeske taj upre klerinipeske, dijaninen. O RomArchive sajt jeneri 2019 online hi taj sajt jek bersch telal o ledschipeskero khetanipe le dokumentacijakere- taj kulturakere centrumistar le nimtschke Sintijendar taj Romendar.

Le online archiviha jek dschanipeskeri kvela kerdi uli, savi pedar o internet andar o cilo aun dikli schaj ol taj savi le sterejotiptschen taj le tel dikime kojen, faktenca resel: O khetan kedimo archiv, savo mindig buteder ol, o bulharipe taj i diversiteta le kultureli identitetendar taj le nacijonali jerinipendar, sikal. O barvalipe jeka but schelberschengera phura taj dschi andi adiveseskeri cajt dschivdona taj mindenfelitika kinstlerischi taj kultureli produkcijonatar, adaj erschtivar ande ada bulharipe le pradipeske te dikel hi.