2to juli 2020
Baranka Park upro Belgradplatz, 1100 Betschi
Le mulatintschagoha upro opfertscha gondolim ol taj te o dschivipe taj i kultura le Romendar taj Sintijendar taj te i kultura le dschidovtschendar taj betschitikendar mulatim taj sikadi ol. Kinstlertscha/kinstlerkiji, pisimaschtscha, pisimaschkiji taj dschene le pradime dschivipestar, aktivistscha le civili dschivipestar, politikertscha/politikerkiji – on sa ando 2to juli 2020 pumare (kultureli) virkinipeha jek cajchn gejng o pobisteripe sikan.
17 orenge – pradipeskere alava
But dschene le pardime dschivipestar uso alav an taj harne vakeripeha jek cajchn gejng o pobisteripe bescharen taj jek dikipe andi adiveseskeri cajt taj andi cukunft keren.
17.15 orenge – genipe Doris Stojka
17.30 orenge – Moša Šišic & tschave koncerto
17.45 orenge – genipe Stefan Horvath
18 orenge – Harri Stojka’s Gipsy Jazz Trijo
18.30 orenge – genipe Katharina Janoska
19 orenge – Tommy Hojsa Duo
O Tommy Hojsa jek eksperto taj muschikascchi la betschitika dschijatar, komponisto ta te teateriskero muschikaschi hi. Lek merescheder ov pe maschkar o muschikakere thema vodinel, i klasischi taj eksperimenteli betschitiki dschili, i teateriskeri muschika, o jazz taj meg buteder prik ari. Ov tekstscha muschikaha khetan tschil, interpreto upro klavir taj bischot hi ojs vodinaschi but dschilaschendar/dschilaschkijendar.
20 orenge – Roman Grinberg’s New Klezmer Trijo
Ande lengero aktujeli programo le trin kinstlerengere pajtaschen phure taj neve Klezmer-melodiji hi taj but prindscharde dschidovtschengere dschija use jek feschtimo programo khetan terdscharde. Jek programo use te schunel taj mit te dschilal, te asal, palal te gondolinel taj te hajol.
21 orenge – Harri Stojka & Roma Musik Ensemble
O internacijonali prindschardo Romengero gitaraschi Harri Stojka pre „vurclinenge“ use pe irinel. Ham ande ada peripe o „vurclini“ o „poschtitovtscha“ hi – odola, save o phure dschene pedar schelberschengero maschkar i Asija taj i Europa gele. Lengeri muschika afka uso gledalo la hangoskera kunstatar cile kontinentendar ule, save on pumare ajgeni tradicijenca la improvisacijonaha taj la virtujositetaha khetan phandle. Le Harri Stojkaskero muschikakero drom imar mindig o bajder gejipe adala phura roasatar sina taj oj te le use mindig neve formtscha la muschikatar vodintscha.
Te o vejteri na schukar ulo, akor ando paschipe, ando Waldmüllerzentrum, Hasengasse 38, 1100 Betschi, o gondlipeskero mulatintschago tel likerdo ol.