I 73-berschengeri etnologkija ojs erschti ar pe beschartscha le indigeni flogenca andi USA taj upri briga le dschenendar odoj upre sikatscha. Paloda oj upri flogoskeri grupn le Romendar peli, phukal oj ando vakeripe le Adolf Gussakiha andar „Roma sam“.
Keraschkija taj dujto schero
O farajn Roma Erba, erschti organisacija la flogoskera grupnatar, ando 15. juli Erbate 1989 kedo ulo. I Wiegele jek dscheno le keraschkijendar sina taj o dujto schero le farajniskere angle terdschajipendar. Oj jek sorali sor sina uso kesdipeskero tradipe le Romendar.
I Miriam Wiegele mobilisirintscha but manuschen le gadschendar, kaj le Romenge use kesdipe le erschti Roma farajnistar taj uso aunprindscharipe ojs flogoskeri grupn andi Austrija pomoschim te ol. Oj ando ORF Burgenland i sendung le anaveha „Natürlich Wiegele“, kaj oj tips taj triks usi tema, „saste te dschil“ dija.
Alternativjakeri medicinerkija bare kamipeha
Oj te meg adi meresch pre gondi alternativjakera medicinatar le dschenenge bajder del.
I Wiegele upri akademija tradicijoneli medicinjake seminartscha Betschiste del. Odoj oj le badaren, aphotekertschen taj averen, save andi koja „Homöopathie“ vaj anthroposophischi medicin bajder te siklol kamna.