I kompinacijona andar frischno thabojipeskero humel taj o latscho vanilakero puding vojaschno tumen kerel. Ada vodschikano, gulo tradicijonakero pekipe andar i Polnija iste probalinen, mint terno linajiskere esbe liptscha ande tumende dschangarel.
Le thabojipeskere humeliske
125 ml paj
70 g buteri
3 kuki
80 g jaro
1/2 tikni roj pekipeskero pulveri
Le vanilakere pudingiske
2 jatschkore vanilakero pudingiskero pulveri
3 bare roja cukro
3 tikne roja vanilakero aroma
800 ml thud
200 g kovlo buteri
180 g himbir
Le kisetinipeske
2-3 bare roja prahoschno cukro
Butschalinen afka
1. Le vanilakere pudingiske 700 ml thud ande jek piri den taj upro maschkarutno jagalipe upre te thal le muken.
2. Ande jek avri piri, telal o prik atschime 100 ml thud, o cukro, o vanilakero aroma taj o vanilakero pudingiskero pulveri keverinen.
3. Denen o kerdo vanilakero pudingiskero khetan keverinipe le thode himbirenca ando upre thado thud taj keverinen sa latsche la dschiveskera scheprujaha.
4. Muken sa meg jefkar upri petscha upre te thal taj pheren paloda o puding ande jek tscharo. Denen jek folija, savi sa frischno likerel pedar taj muken o puding ar te schudrol.
5. Tschalaven o buteri le mikseriha taj denen o schudro puding, jek roj pal i kija ande, kaj jek latscho pheripe te ol.
6. Le thabojipeskere humeliske fitinen i petscha upre 200 °C – uprutno- taj telutno jagalipe angle. Denen akan upro bleho jek pekipeskero papruschi.
7. Paloda paj taj buteri ande jek piri uso upre thabojipes iste anen. Keverinen o jaro taj o pekipeskero pulveri khetan taj den sa andi piri. Keverinen sa 1 minuta la dschiveskera scheprujaha sorale um.
8. Lenen i piri upral i petscha, denen o kuki use taj tschalaven le mikseriha sa, dschimeg jek creme ol.
9. Maken o humel upro kisetimo bleho taj muken le, 22 minutenge andi petscha te pekel, dschimeg somnakuno feschto uschtidel.
10. Akor o bleho andar i petscha len taj o thabojipeskero humel ar te schudrol muken.
11. Lenen o humel akor upral o bleho taj tschinen le ande duj glajchi bare falati.
12. Denen akor jek falato le thabojipeskere humelistar upre jek tajneri. Maken i pudingiskeri creme upre, denen o himbir pedar taj utscharen sa, le dujte falatoha le thabojipeskere humelistar, use.
13. Terdscharen o pekipe valami 6 ori andi fadschimoskeri kastlina. Angloda o pekipe upro stolo terdscharen, denen meg o prahoschno cukro pedar.
Amenge akan tschak atschol, tumenge but voja uso keripe taj schukar di, tumare dschenenca te kivaninel. Atschen saste taj diken upre tumende!