Gericht
Sebastian Duda
sta.si
Francija

Manuschengero tschatschipengero kris biroskero phendo la Francija ar phentscha

O europitiko kris le manuschengere tschatschipenge (EGMR) la Francija vasch jek upre putripe jeke Roma campistar ando bersch 2013 use jek potschintschago le reste dschenenge faurtajlintscha. Efta le tschulipendar schtotiskere polgartscha andar i Rumenija la EGMR aun harangosinde taj on akan 7.000 eurojenca sako dscheno lendar loj te uschtiden, sar o kris tschetertekon phentscha.

O francitiki birovtschagi o camp ande „La Courneuve“ andi regijona Paris 2013 upre putertscha. Kaj ham avro than le dschenenge na di ulo, on iste, ande jek avro camp gele. On phenen, hot lengere verdi lendar le birovtschagendar line ule.

O europitiko rot, o kris ande pro birovtschago phentscha, hot i evakujirung le logeristar taj o dschivipe odoj le dschenendar na ojs „manuschengeri vaj tel dschumipeskero" fejst te terdscharel sina. Vascho harnipe la cajtatar maschkar o birovtschagoskero upre dipe taj o prik bescharipe odolestar, hi o arajipe le dschenendar odotar "ande nisaj koja te dikel“.

I Francija odoleha gejng i europitiki manuschengeri tschatschipengeri konvencijona pe likertscha. Taj te vascho angle gejipe le birovtschagendar iste diklo ujahi, hot o reste dschene jeka socijali teldschumipeskera grupnake schpecijeli mangipenca use kerinel.