Adi jek „bangorengeri riteschkija“ keras. Te tumaro kurko schukar ar te naschel te mukel kamna, akor lenen tumenge eknaj cajt, taj keren tumenge taj tumare kamle dschenenge, ada latscho habe. Adaj diken, saj koji tumenge pekan taj sar o habe iste keren.
So tumenge pekal: (4 dschenenge)
200g bangore
200g tefelo
50g schunka (vaj balvas)
250g riteschkijakero humel
3 bare roja buteri (bijardo)
2 bare roja petreschilo
eknaj lon taj papro
mukatiskero akor
Butschalinen afka
Erschtivar o bangore thode, akor thade taj paloda, te le kisne ule, khuschle on. Paloda o schudre bangore ande sane seleti vaj tikne kocki tschinde on taj loniha, paproha taj le muskatiskere akoreha, sa vircim ol. Akan sa latscho khetan keverim ol taj akor o tefelo use tschite ol taj papal sa, latscho khetan keverim ol. O khetan hokimo petreschilo taj i tikni khetan tschindi schunka telal keverim ol. Akan iste sa valami 10 minuti nugodinel.
O riteschkijakero humel upre jek suslardi plasta dim ol, kaj akan o bijardo buteri taj o bangorengero khetan keverinipe upre tschito ol. Akor o riteschkijengero humel schukar khetan tradim ol. I riteschkija akan upro tschiknardo bleho paschlardo ol. Le bijarde buteriha sa akan meg jefkar aun maklo ol, angloda i bangorengeri riteschkija andi angle fitimi petscha use 200° C valami 12 dschi 15 minuti pekli ol.
Tiptscha uso recepto
I bangorengeri riteschkija schaj ojs habe selena schajataha vaj ojs use dipe uso mas upro stolo terdschardo ol. Akan tschak latscho keripe taj latscho habe schaj tumenge kivaninas!