Ando 8to maj 1945, 23.01 orenge, o dujto themeskero haburi andi Europa vasch i kapitulacijona le nimtschke nimcendar andar o 7to maj 1945, ar sina. Le keresujakere tel paschlojipeha upro cile burgenlanditikiji taj burgenlanditike gondolim ol, save usar 1938 dschi 1945 vasch politischi, religijonakere taj rasistischi koji, opfertscha le naci reschimistar ule, save telal o haburi tirinde taj murdarde ule, afka i Dunst.
Palikeripe la upre bauninipeskera-generacijake
Lake ham barikano hi, upre ada di te odole manuschen te akarel, save pal o kisetinipe le dujte themeskere haburistar jek pujsto tschito Burgenland aun resle, phentscha i presidentkija le thaneskere talalinipestar. Odola manuscha na dine o patschajipe upre, phare butschalinahi taj on o patschajipe bajder ledschine taj but kerde, „kaj amen adi ande jek Burgenland schaj dschijas, sar le amen prindscharas.“