1914 o amerikanischi presidento Woodrow Wilson o phendo ar dija, hot ando dujto kurko la masekatar maj, ando cilo vilago la Amerikatar, o Dajakero-Di mulatim ol. Na dur paloda, floristikakere organisaciji o Dajakero-Di andi Europa ande.
So tumenge use pekal:
1 jatschkori vanilakero pudingiskero pulveri
250g gulo tefelo
1 jatschkori vanilakero cukro
500g muruci
50g cukro
500ml thud
3 bare roja tikne feschtime cukri
Butschalinen afka
Erschtivar o muruci tel thon, akor schuscharen len taj paloda valami 2/3 ande tikne falati tschinen. Denen akor o gulo tefelo taj o vanilakero cukro ande jek bajtling, keverinen sa khetan taj tschalaven la dschiveskera scheprujaha asaj dur, dschimeg sa soralo hi.
Akan andar o vanilakero pudingiskero pulveri le thudiha taj le cukroha jek puding keren. Te o puding kisno ulo, muken le terdo, kaj te schudrisajol. Ham keverinen o puding mindig, kaj nisaj cipa te ol. Paloda ando schudrisajimo puding eknaj buteder sar o epasch le gule tefeloskere khetan dipestar ande keverinen.
Lenen akan o gulipeskere stakli angle taj denen jefkar o murci taj akor o puding ande. Te ada dujvar kertschan, akor lenen o gulo tefeloskero khetan dipe, savo meg atschino, taj denen le pedar. Akan ojs dekoracija, meg o tikne feschtime cukri pedar iste den.
Amenge akan tschak atschol, tumenge but voja uso keripe taj schukar di, tumare dajenca te kivaninel! Le cile dajenge, jek schukar Dajakero-Di pumare tschajenca taj tschavenca! Atschen saste taj diken upre tumende!