Roma sam| 27.4.2020, 20:50 Radijo Burgenland | Live
Moderacija | Susanne Horvath
I Margarethe Baranyai ando 3. maj 1947 ande Wiener Neustadt upro them ali taj mindschar paloda ando gav Deutsch Kaltenbrunn cidija, kaj akan atschel. I Romni, savi trin gschvistenca nisaj dadeha upre bartschini, imar igen frija o pharipe le dschivipestar iste te prindscharel siklija.
Na tschak i corona krisa la Margarethejake phare gondi kerel. Sajt lakero deschu pantschto dschivipeskero bersch oj mindenfelitike nasvalipendar andi frijakeri rentn iste geli taj iste la mindestakera pensijonaha pro dschivipe kistinel.
Ande Deutsch Kaltenbrunn, i hajmatakeri gemajndi la Baranyaijatar, dschivnahi anglo 2. themreskero haburi pedar 300 Roma. Palo holocaust taj befrajinipe le alijirtendar tschak 15 dschene pal ale. O cile avre le hitleriskere rschimistar murdarde ule. Bojd o cile khera le Romendar pujste tschite ule. Jek adale 15 Romendar sina la Margarethejakeri daj, savi 1922 ojs Rosa Baranyai upro them ali.
I Margarethe daj schtar tschavendar hi. Oj ande pro kher jeke tschauiha dschil. I barikani Romni jek kejmperischi godschikani dschuvli hi, savi mindig pre tschatschipenge pra familijake pe ande bescharel.
Kekaj lakere phare dschivipeha hi i Margarethe jek dschuvli, savi pe le Roma temenca andi Austrija taj Europa donde bescharel. Oj le flogoskere grupnengere dscheneca tirinel, vaschoda, kaj oj söbst jek dschivipe diskriminacijaha taj tschoripeha iste terdschivtscha.
I sendung kertscha la Margarethe Baranyaijaha o Adolf Gussak.