Adi jek „Morkojakero-pekipe“ keras. Te tumaro kurko schukar ar te naschel te mukel kamna, akor lenen tumenge eknaj cajt, taj keren tumenge taj tumare kamle dschenenge, ada latscho pekipe. Adaj diken, saj koji tumenge pekan taj sar o pekipe iste keren.
So tumenge pekal:
4 kuki
40 g jaro
300 g rebeschine jale morkoji
225 g tel tradime maundlini
175 g cukro
50 g habeskero soralipe
¾ le pekipeskere pulveristar
eknaj lon
eknaj buteri
tschokolat
Butschalinen afka
Erschtivar iste o kuki putrinen. Akor o parno le kukenger eknaj loniha te tschalal, dschimeg sa bandschardo hi. Paloda o dotertscha le cukroha khetan te keverinel, kaj sa „schaumig“ te ol. Akan o rebeschime jale morkoji taj o tel tradime maundlini telal o doterengero humel te asdel. O jaro, o habeskero soralipe taj o pekipeskero pulveri khetan te keverinen taj te oda akor telal o humel te asdel. Te ada sa kertschan, akor iste meg o kukenger dschiv telal asden taj sa latsche khetan iste keverinen.
Akor o bleho eknaj buteriha ar iste khosen taj o humel ande den. Denen akan o blecho andi petscha taj muken o morkojakero pekipe use 175 gradlini latsche 50 dschi 55 minuti te pekel. Andi maschkarutni cajt o tschokolat pedar jek pajengero nandscharipe bijaren. Te sa kisno ulo, akor o bijardo tschokolat pedar o pekipe tschoren taj tel te schudrol le muken.
Uso kistinipe tschak but voja uso keripe tumare morkojakere pekipestar taj latscho habe schaj kivaninas!