But Roma organisaciji andi Austrija ando socijali, antirasismus projektscha, gondolipeskere tablinenengere projektenge le ledschime taj murdarde Romenge angle 1938 taj kultureli projektscha taj mulatintschagi, kaj i situacija le Romendar feder te ol butschalinen.
Upri situacija upre te sikal
"Cil le Internacijonali Romengere dijestar hi, upri situacija le Romendar andi Europa upre te sikal. O khetanipe taj i regirung la situacijake le Romendar sensibilisirim te ol taj afka feder khetan dschivipe andi cukunft dim te ol.Vasch i adivesakeri situacija andi Europa taj upro cilo them, kaj amen manuscha jek virus le anaveha Corona Covid-19 kijosinel, iste o cile mulatintschagi uso Internacijonali Romengero Di tel phende ule, phenel o Emmerich Gärtner-Horvath.
Jeke khetanipeske andi cukunft
„Kekaj asaj bibastali situacija hi, savi amen manuschen use jek na prindschardi koja mujsinel taj amaro dschivipe irinel, mange ojs bajrotiskero anglebeschto la flogoskera grupnatar le Romendar jek baro aun paschlaripe hi, upri situacija le Romendar upre te sikal. Sar ternon erscht ando Ungriko: Tschatschipeskere parujiptscha, save ando ungriko kerde te on, kaj o sikadipeskero sistem le Romenge ojs dujtklasig la politikatar deklaririm te ol, na tromal ande amaro Europa use muklo te ol“, o Gärtner- Horvath Emmerich phenel.
Afka naschtig la cukunftake mra flogoskera grupnake butschalim ol. Del europitike vilagi, telende i Austrija, save pumaro upre dipe vascho feder keripe la dschiviskera situacijatar le Romendar igen latsche upre len.
Roma-Strategija 2020
Angle poar berscha i Roma-Strategija 2020 ando dschivipe vrischtschandi uli. Temtscha sar sikadipe, sastipe, buti taj i atschipeskeri situacija upre astarde ule taj projektscha use adala temtscha arbutschalim taj falato lendar imar prik bescharde ule.
„I Roma-Dialogplattform probalinel amenca khetan le Roma fartreterenca taj le civilakere khetanipeha, temtscha sar i socijali situacija le Romendar, sikadispeskeri situacija, historija le Romendar, gondolipe upro holocaust opfertscha, sikadipeskere materijaltscha taj buter aver te sensibilisirinel taj projektsch te entviklinel“ phenel o bajrotiskero anglebeschto.
Amen Roma meg dur use amaro cil na aun pejam, ham vilagi del, telende i Austrija, save pumen khetan amenca upro drom kerde, jek feder cukunftake le Romenge