Besoffene Liesl
Steiermark Magazin
Steiermark Magazin
RECEPTO

Muken o kurko schukar ar te naschel

Kaj tumaro ar naschipe le kurkostar eknaj guleder te ol, kamaha tumenge ande aja bibastali cajt, jek nevo recepto angle te terdscharel. But tumendar andi tschavengeri- taj ternengeri cajt pal gondolina te ada latscho pekipe kertschan.

Jek na pharo te kerel, tradicijoneli pekipe hi i „Mati Liesl“ (andi nimtschi tschib „Besoffene Liesl“). Te tumenge taj tumare kamle dschenenge ande aja phari cajt voja te kerel kamna, akor schaj tumenge taj lenge jeke latsche pekipeha jek asajipe upro muj cauberinen. Adaj diken, saj koji tumenge pekan taj sar o pekipe iste keren.

So tumenge use pekal:

4 kuki
150 g cukro
200 g jaro
1 pherdi tikni roj pekipeskero pulveri

buteri taj jaro
(kaj o formtscha tschiknarde schaj on)
parni mol
eknaj paj taj cukro

Besoffene Liesl
Steiermark Magazin

Butschalinen afka

Erschtivar keverinen o jaro le pekipeskere pulveriha khetan. Akor iste o kuki le cukroha latsche khetan keverinen, dschimeg sa schukar „schaumig“ hi. Paloda o jaro ando humel te sitalinel taj loke telel te asdel. Akan o pekipeskero humel ando tikne formtscha, save angloda le buteriha tschiknartschan taj le jaroha prahosintschan te pherel. Denen akor o pherde tikne formtscha valami 30 minuti use 170 gradlini andi angle tatschardi petscha.

Te o pekipe kisno ulo, iste lo eknaj terdo atschol, dschimeg lo schudro hi. Andi maschkarutni cajt schaj i parni mol eknaj pajiha taj cukroha tatscharen. Te akan sa kisetintschan, lenen tumare pekiptscha andar o tikne formtscha, denen len upre tajnertscha taj tschoren i mol peder.

Amen akan tschak but voja uso keripe tumara „Mata Lieslatar“ taj latscho habe schaj kivaninas!