Afka sar andi Austrija, te andi Tschechija na del dosta arakipeskere loafnini. Na tschak le dschenenge, ham te le medicinischi dschenenge taj te odole dschenenge, save tafka imar igen sorale nasvale hi. Use meg al, hot sajt lejcti kurko andi Tschechija ando pradimo than (ando andrutne khera le birovtschagendar vaj ando boti) arakipeskere loafnini ledschim iste on. Akan ando cilo vilago o dschene khetan arakipeskere loafini keren, kaj le dschenen odolenca te fasorginel te dschanen. Afka o albulharipe la Corona-pandemijatar upre likerdo te ol. Te o Roma ande but tschechitike fori kesdinde, arakipeskere loafnini te sil taj ar te ulal.
Te dschene andar o foro an
Andi norditiki bohemitiki seletoskeri bauninipeskeri sidlung ande Chánov pasche Most iste o farajn „Aver Roma“ pri buti, schpurtiskere- taj sikadipeskere programtscha le Romengere-tschavenge, vasch i karantena, kisetintscha. Kaj te na sa terdo atschol, o dschene le farajnistar na gondolinde duge pal taj mindschart kesdinde, arakipeskere loafnini te sil.
„Ada imar amaro triti di hi, so sija, tam amen schofintscham le, maschkar 250 taj 300 mujeskere loafnini te sil taj ar te ulal. O dschene vasch o arakipeskere loafnini use amende an, butvar jek dscheno la familijatar taj oda akor la cila familijake valaso peha lel. Butvar odola dschene andar i sidlung andar Chánov hi, ham te dschene andar o foro use amende an taj amen na dikas adaj upre oda, katar o dscheno al“, phenel o Peter Bažo andar o farajn „Aver Roma“.
Taj te ando lek avrutno vest le vilagostar, andi regijona Karlovy Vary (Karlsbad)taj ando marginalisirime gemajntscha andar Liščina ande Ostrava (Mährisch-Ostrau) ando ostitiko falato le vilagostar, o NGOs adala butjake vidminde pumen.
Upre klerinipe ando Romengere-gemajntscha
But marginalisirime (Romengere-)gemajntscha andi Tschechija la pandemijake nisaj arakipeha gejng terdschon. Te andi Slovakija o vuske dschivipeskere khera taj o na latscho fasorginipe schusche pajiha taj kojenca, savenca pumen o dschene schaj thon, o situaciji ando Romengere-sidlungtscha igen phare keren.
Andi Tschechija akan o Romengere-organisaciji sar IQ Roma servis vaj Romodrom diken, kaj odschene le sidlungendar pedar i pandemija taj pedar koji, save ande likerde iste on, upre klerim te on. Afka ando sidlungtscha informacijakere patra ande Romanes taj andi tschechitiki tschib ar ulade taj kontaktoskere numertscha ar dim on, kaj o Roma pomoschago, te lo pekaml hi, uschtiden. Taj te o socijali mediji igen latsche and bescharde on, kaj te o socijali ar granicalime Romengere-gemajntscha and astarde te on – kaj informacija te uschtiden, kaj fanecinipe te del taj kaj pomoschago organisirim schaj ol.