Te tumenge taj tumare kamle dschenenge ande aja phari cajt voja te kerel kamna, akor schaj tumenge taj lenge jeke latsche pekipeha jek asajipe upro muj cauberinen. Adaj diken, saj koji tumenge pekan taj sar o pekipe iste keren.
Le humeliske:
500 g jaro
250 g tschiknipe
1 bejchlina tefelo
1 kuku
eknaj lon
Le pheripeske:
1 kg phabi
kuschle taj ande patra tschinde
100 g curkro
eknaj cimt
eknaj prahoschno cukro
Butschalinen afka
Keren andar o angle dime koji sik jek humel, savo paloda eknaj iste nugodinel. Pal i nugodinipeskeri caj iste andar o epasch le humelistar jek rechtek ar schodrinen, savo akor upre jek tschiknardo bleho tschin. Utscharen akor o humel le phabenca. Akan iste te o dujto epasch le humelistar ar schodrinen. Odoleha akor o phabi use utscharen. Paloda jeka vilaha butvar ando hulmel ande posan.
Denen akan o blecho andi petscha taj muken i lepija use 180-200 gradlini latsche 30 minuti te pekel. Tschinen akor o pekipe ande flatschki taj denen prahoschno cukro pedar.
Uso kistinipe tschak but voja uso keripe tumara lepijatar taj latscho habe schaj kivaninas!