O pradimo dschivipe irintscha pe
Kaj te na o infekcijonakero gendo mindig utscheder te ol, i regirung barikane koji kertscha. O dschivipe le austritike dschenendar poar kurke tschak andi tikni familijakeri karika taj ando privati khera tel pe te khelel. Ada nan tschak la naphandla cajtake, ada te la butjakera cajtake hi. Dschene, save kheral schaj butschalinen, te keren oda. Afka le virusiskere arbulharipeske tschak jek tikno schajipe dim te ol.
Hori and tschinipe ande amaro dschivipe
I Corona-krisa le cilen resel. Taj oj hor ande amaro sako diveseskero dschivipe ande tschinel. Amen, o cile schaj ham valaso keras. Amen iste o angle dime koji la bundakera regirungatar taj le ekspertendar ande likeras. Sa khetan iste upre amende obocht das taj jek le avreske te pomoschinel. Tschak khetan schaj aja bibastali situcija prik dschijas.
Dschene, save simptomtscha sar fiberi, hasajipe, na latscho dihakero cidipe sikan, taj valami duach o Corona nasvale ule, ando kher iste atschon. Use jek badari vaj andi schpita na troman akor te dschal.
Tumen akor i harangoskeri numera 1450 iste aun harangosinen. Avri informacija uso phutschajiptscha vasch o virus del i informacijakeri numera 0800 555 621.
Adala koji troman te kerel:
* usi buti te ladel
* koji and te kinel te dschal, save le dschivipeske pekamle hi
* avre dschenenge te pomoschinel, kaj odola ari na troman
* harne gejiptscha andi natura, ham tschak odole dschenenca, save tumenca ando glajchi kher dschin
Kedveschne Roma taj Romnija! Atschen Devleha, atschen saste taj diken upre tumende!