Upro kipo te dikel sina, hot oj o naschajipe ande „Ballerina-botschkori“ jerintscha. Kekaj oj andar igen bibastale dschivipeskere koji al taj ande jek kaputa ande jek Romengeri-sidlung ande Moldava pasche Bodvou dschivlahi, jerintscha oj o 750 metertscha taj buteder sar 400 avre konkurentscha pal peste mukla.
Lakero talento le gaveskere naschipeskere farajnistar diko ulo, savo la upre lija taj savo lake te lojenca pomoschinel. Pal jek bersch trening uli oj i lek feder naschaschkija ande lakeri kategorija andi ostitiki Slovakija. „Oj jek maschkarutni dromeskeri naschaschkija hi“, phentscha o Norbert Pecze, anglebeschaschi le Athletic Legion Clubistar, ando lejcti bersch ando vakeripe le televisakere senderiha RTVS andi Slovakija.
„Oj akan i lek feder naschaschkija andi ostitiki Slovakija andi kategorija le phureder ischkolaschendar hi“, phentscha o Pecze ando lejcti juli. Kaj oj usi anglutni buti taj uso trening mindig sa del, uschtidija i Annamária Horváthová lejcti kurko baro vasteskero tschalajipe, kada le organisatorendar le nacijonali masteripestar andi Slovakija lake i rupuni medajla prik dim uli.