Marianne Rosenberg
Oliver Berg/dpa
Oliver Berg/dpa
GERMANIJA

Respekto taj toleranca

La prindscharda muschikaschkijake taj Sinticake Marianne Rosenberg o rasismus andi Germanija resel. Pal o rasistischi auntschalajipe ando hesischi Hanau angle duj kurke, i dschilaschkija igen astardi pe sikal.

I 64-berschengeri entertenerkija kamla, hot o manuscha akan te siklon, pumen te respektirinel taj o argranicalipe taj o rasismus buter te na del.

Marianne Rosenberg
Oliver Berg/dpa
I prindschardi dschilaschkija Marianne Rosenberg

I Marianne Rosenberg o triti le efta tschavendar le Otto Rosenbergistar hi, jek Sinto taj prik dschivdo le flogoskere murdaripestar gejng o europitike Roma taj Sinti (Porajmos). Oj ande jek kinstlerengeri familja upre bartschino. Lakeri phen Petra Rosenberg i anglebeschaschkija le nimtschke khetanipestar Sinti taj Roma Berlin-Brandenburg hi.

Petra Rosenberg
Alexander Völkel
I pedagogkija taj aktivistkija Petra Rosenberg

Politischi keripe le dadestar

O politischi keripe i Marianne Rosenberg pre dadestar Otto uschtidija. O Otto Rosenberg ande Berlin upre bartschino. Ov 1936 avre Sintijenca taj Romenca andar Berlin ando mujsinipeskero logeri Berlin-Marzahn pelo. Ando 14to april 1943 o akor 16-berschengero taj leskeri familija ando logeri Auschwitz ledschim ule.

Baro falato leskera familijatar murdardo ulo, afka leskero dad, i baba Charlotte Rosenberg taj o cile desch phenja taj phrala. O Otto Rosenberg na tschak Auschwitz prik dschivtscha, ov te o logertscha Buchenwald, Dora taj Bergen-Beslen prik dschivtscha.

Pal o kisetinipe le nacijonalsocijalismusistar o Otto Rosenberg ando foro Berlin cidija taj kesdintscha, politischi te butschalinel. Ov jek schero ando centrali rot le nimtschke Sintijendar taj Romendar taj o erschti anglebeschaschi le thaneskere khetanipestar le nimtschke Sintijendar taj Romendar ande Berlin-Brandenburg sina. O Rosenberg butvar use pradime mulatintschage, kaj vasch historischi taj politischi temtscha dschalahi, vakertscha.

Ehrengrab von Otto Rosenberg
Zthomas
Dschimeg o Otto Rosenberg mulo pra cila soraha le Sintijengere taj Romengere tschatschipenge kejmpfinlahi.