HISTORIJA

I Erna „Unku“ Lauenburger 100 bersch ujahi

Sridon angle 100 berscha, ando 4to merc 1920, ande Berlin i Erna Lauenburger upro them ali. I terni Sintica ando 1930kere berscha ande Berlina la pisimaschkija Grete Weiskopf use lakeri figura andar i kenva „Ede taj Unku“ inspiririntscha.

4. 3. 2020, 14:29 orenge
Dieser Artikel ist älter als ein Jahr.

I Erna Lauenburger ando butschaschengero falato Wedding upre bartschini taj butvar upro poschtitovtscha le forostar Berlin khelahi pe. Kada lie 23 berscha phurani sina, ando bersch 1943 ando logeri Auschwitz-Birkenau murdardi li uli.

Kenva pedar i Sinti-tschaj thardi uli

I pisimaschkija Grete Weiskopf la Ernakere pajtaschagostar le terne Edeha use lakeri ando bersch 1931 ari ali kenva „Ede taj Unku“ inspirim uli.

Tschak tschule masektscha pal o rajipeskero prik lipe le nacijonalsocijalistendar i kenva 1933 thardi uli.

Schtar generaciji murdarde ule

I Erna ando „Zigeuner logeri“ Magdeburg ando duj berscha phureder Otto pe falijabinel, savo ando juni 1938 ando logeri Buchenwald ledschim taj odoj 1942 duach jek injekcijona murdardo ulo.

Ando 1ti merc 1943 o cile dschene le logeristar, ande Auschwitz-Birkenau ledschim ule, tel lendar te i Erna taj lakere duj tschaja Maria taj Bärbel taj te lakeri daj taj baba. On sa, ande Auschwitz murdarde ule.

Dubistanders?/Agenturen