Gondolipeskero than

Pujsto tschijipe: Gondolipeskero than le murdarde Romenge taj Sintijenge

Na prindscharde tetertscha ando ar le kurkestar o tikno gondolipeskero than „Niemals Vergessen" ande Leopoldskron-Moos phare pujste tschite. Ada palgondolinel upro ande tschapime dschene le „Zigeuner-“ vaj. „Anhaltelagers“istar le nacijonalsocijalistendar ando pasche paschlo Maxglan. O Sinti taj Roma dschi 1945 ando logeri murdarde ule.

O gondolipeskero than la Salzburger Radiofabrikatar 2010 ando keripe jek EU-akere projektistar usi dokumentacija la logeriskera historijatar ando foro Salzburg kerdo ulo. Jeke dschenesko suboton upre pelo o pujsto tschijipe le gondolipeskere thanestar. Palalal dikipe dschenendar i bavlal artschapim ol, hot o pujsto tschipe odotar al. I skulptura andar srasta igen pharo hi. O kascht pasche sasto. O pujsto tschijipe le gondolipekere thanestaruso harengere aunsesim ulo. Odola gejng na prindscharde tetertscha ermitlinen. Te politischi aunastaripe sina, ada dschijakan na prindschardo hi.

Mahn- und Denkmal „Niemals Vergessen" in Leopoldskron-Moos
Personenkomittee Stolpersteine
Pujsto tschiti skulptura

Hitleriskeri reschiserkija Riefenstahl

O aguno logeri le nacijonalsocijalistendar ande Maxglan te la Hitler reschiserkijatar Leni Riefenstahl te kerel hi. Oj ando haburi barikani filmiskeri keraschkija andi Germanija sina. Lakere filmiske „Tiefland“, savi oj ando 1940 dschi 1942 dranintscha taj erscht 1954 telal demokratischi situacija andi bundakeri republika kisetintscha, lija oj ando „Dritten Reich“ schtatisktscha andar i flogoskeri grupn le Romendar taj Sintijendar. Odola ale te andar o logeri Maxglan andar Salzburg. O dschene palo draninipe la SS-atar murdarde ule. Tschak tschule pal 1945 o logertscha prik dschivde, kaj on paloda ledschim ule.

Ando terno linaj 1943, 300 ande tschapime dschene le logeristar Maxglan upro phenipe le Himmleristar Auschwitzate ledschim ule taj fagasim. Jek tikno falato lendar ando logeri Lackenbach pele. Cilon le nacijendar 500.000 Roma taj Sinti opfertscha sina, 25.000 lendar andar i Austrija.

Uso foschingiskero keripe dschi adi meg o hango te schunel hi o „Maxglaner Zigeunermarsch“. Niko na dschanel, kaj aja dschili ando logeri schaj kerdi uli. Sar arditschol o bibastalo terdschivipe le Romendar taj Sintijendar andar Salzburg meg mindi jek tabujiskeri tema hi. Soske meg mindig temtscha andar o pradimo dschivipe tel dschumim on? O nevo gondolipeskero than upro temetischi ande Salzburg Maxglan jek latscho, ham te jek garudo aunsoc hi, buteder na. O than 2008 sentelim ulo. O rodipe le teterendar naschel.