I bundakeri ministerkija Susannee Raab, savake o kulturakere- taj flogoskere grupnengere koji ande lakero resor perel, paraschtun fartreteren le schov aunprindscharde flogoskere grupnendar use jek arparujipe ando kancleriskero birovtschago akartscha.
Use ada vakeripe o anglebeschte taj o dujte anglebeschte le horvackendar, slovenitikendar, ungrikendar, tschechitikendar taj slovakendar sar te la flogoskera grupnatar le Romendar use sina.
I kancler birovtschagoskeri ministerkija ari asdija, hot i sicherung taj o pomoschago la tschibtschatar taj kulturatar le flogoskere grupnendar bajderi prijoriteta ovla. „Sar ando tschatschipe angle dim hi, amen upro upre likeripe le aunprindscharde flogoskere grupnendar dikaha taj pomoschinaha.“
O vakeripe pal valami jek masek, kada i Raab pri agenda oficijeli prik lija, sina. „Mange jek aunpaschlaripe hi, kaj me le cile flogoskere grupn saj sik sar dschal resav. Me man loschanav upre buteder bajderi vakeriptscha andi cukunft“, phenel i Raab.