O dschene andar o aunprindscharde flogoskere grupn andi Austrija aja joma na hajon, mint o flogoskere grupn sajt schelberschengero andi Austrija favurclim hi taj la republikaha Austrija indentificirinen pumen.
Pal o arpheniptscha le ARGE-jakere flogoskere grunakere-fatreterendar Stefan Pauer taj Ernő Deák nan nisaj koja pekamlo, hot o flogoskere grupn iste pumen integririnen, mint on imar sajt deschberschengero lengero koja uso mirno khetanipe le cile austrikijenca taj austritikenca use ledschen.
Duach ada resoriskero irinipe jek simbolika te dikel mukel, hot o flogoskere grupn ojs ari terdschardo falato le avre dschenendar esbe lim on, phenen o fatretertscha la ARGE-jatar flogoskere grupn, savi Betschiste hi, ande jek pradimo lil.
Bundakero presidento taj partaji informacija uschtidine
Ada lil, pasche o bundakero kancleri Kurz taj i ministerkija Raab, te o bundakero presidento Van der Bellen, o klubakere dschene le parlamentoskere partajendar ÖVP, SPÖ, Selene, Neos taj o cile flogoskere grupnakere vakeraschtscha le parlamentoskere partajendar ÖVP, SPÖ, Selene taj Neos uschtidine.